Skip to main content

Blog number 1743. ಪ್ರಾಥಮಿಕ ಶಾಲಾ ಸಹಪಾಠಿ ಎಡ್ಡಿ ಆಲಿಯಾಸ್ ಎಡ್ವಿಕ್ ಡಿಕಾಸ್ಟಾ .

#ಪ್ರಾಥಮಿಕ_ಶಾಲಾ_ಸಹಪಾಠಿ_ಎಡ್ವಿಕ್_ಡಿಕಾಸ್ಟಾ

#ಎಡ್ಡಿ_ಎಂಬ_ಸ೦ಕ್ಷಿಪ್ತ_ನಾಮದಿಂದ_ಜನಪ್ರಿಯ.

#ದೈರ್ಯವಂತ_ಗೆಳೆಯ

#ಸೈಕಲ್_ಅಪಘಾತದಲ್ಲಿ_ಒಂದು_ದೃಷ್ಟಿ_ಕಳೆದುಕೊಂಡ_ನತದೃಷ್ಟ.

#ಒಂದೇ_ಕಣ್ನಿನಲ್ಲಿ_ವಿಷಪೂರಿತ_ಹಾವು_ಹಿಡಿದು_ಕಾಡಿಗೆ_ಬಿಡುತ್ತಾನೆ.

https://youtu.be/NrTliYgFcCw?feature=shared 


   ಎಡ್ಡಿ ಅಲಿಯಾಸ್ ಎಡ್ವಿಕ್ ಡಿಕಾಸ್ಟಾ ನನ್ನ ಬಾಲ್ಯದ ಗೆಳೆಯ ,ಬಾಲ್ಯದಲ್ಲೇ ಸಾಹಸಿ, ಆಟದಲ್ಲಿ ಮೊದಲಿಗ, ಚಿಕ್ಕಂದಿನಲ್ಲೇ ಎಡ್ಡಿಗೆ ಪ್ರಕೃತಿ ಜೊತೆ ಸಂಬಂದ ಜಾಸ್ತಿ ಜೊತೆಗೆ ದೈಯ೯ವಂತ ಕೂಡ,ಒಬ್ಬಂಟಿಯಾಗಿ ಕೃಷಿ ಜಮೀನಿನ ಕೊಟ್ಟಿಗೆ ಮನೆಯಲ್ಲಿಯೇ ಬಾಲ್ಯದಲ್ಲಿ ವಾಸವಿರುತ್ತಿದ್ದ.
   ಇವನ ತಂದೆ ಕೆ.ಪಿ.ಸಿ.ಯಲ್ಲಿ ಮ್ಯಾನೇಜರ್ ಆಗಿ ಜೋಗ್ ಫಾಲ್ಸ್ ಮತ್ತು ಚಕ್ರಾದಲ್ಲಿ ಉದ್ಯೋಗದಲ್ಲಿ ಇದ್ದರು, ಎಲ್ಲಾ ಮಕ್ಕಳು ವಿದ್ಯಾಬ್ಯಾಸದಲ್ಲಿ ತೊಡಗಿದ್ದರಿಂದ ಮನೆಯಿಂದ ದೂರದ ಬಸವನಕೊಪ್ಪದ ಇವರ ಜಮೀನಿನ ಜವಾಬ್ದಾರಿ ಬಾಲಕ ಎಡ್ಡಿ ಸ್ವಯಂ ತೆಗೆದು ಕೊಂಡು 4ನೇ ತರಗತಿಗೆ ಶಾಲೆಗೆ ಟಾಟಾ ಹೇಳಿ ಬಿಟ್ಟಿದ್ದರಿಂದ ಎಡ್ಡಿ ಸಂಪರ್ಕ ಕಡಿಮೆ.
  ಮನೆಯಿಂದ ಕೃಷಿ ಜಮೀನಿಗೆ ಸೈಕಲ್ ಮೇಲೆ ವೇಗವಾಗಿ ಹೋಗಿ ಬರುವ ಹವ್ಯಾಸದಲ್ಲಿ ಎಡ್ಡಿ ಕತ್ತಲಲ್ಲಿ ಎದುರಿನಿಂದ ಬಂದ ಸೈಕಲ್ ಗೆ ನೇರವಾಗಿ ಎದುರಾಬದುರಾ ಡಿಕ್ಕಿ ಮಾಡಿಕೊಂಡು ಒಂದು ಕಣ್ಣು ಕಳೆದುಕೊಂಡಿರುವುದು ದುರಂತ.
   ಒಂದು ಕಣ್ಣಿನಲ್ಲೇ ಎಡ್ಡಿ ವಿಷ ಪೂರಿತ ಹಾವು ಹಿಡಿದು ಕಾಡಿಗೆ ಬಿಡುವುದು ಕೂಡ ವಿಶೇಷವೇ ಆಗಿದೆ.
   ಹೆಚ್ಚಾಗಿ ತನ್ನ ಕೃಷಿ ಜಮೀನಿನ ಗದ್ದೆಮನೆಯಲ್ಲೇ ಒಂಟಿಯಾಗಿ ವಾಸವಿರುತ್ತಿದ್ದ ಎಡ್ಡಿ ಯಾವುದೊ ನಿರಾಸೆಯಿಂದ ವಿಷ ಕುಡಿದು ಬಿಟ್ಟಿದ್ದ ಅಲ್ಲಿ ಯಾರೂ ಇರುತ್ತಿರಲಿಲ್ಲ. ವಿಷದ ಪರಿಣಾಮವಾಗಿ ವಿಪರೀತ ವಾಂತಿ ಮಾಡುತ್ತಾ ನಿತ್ರಾಣವಾಗಿ ಪ್ರಜ್ಞೆ ತಪ್ಪಿದಾಗ ಅದೃಷ್ಟವಶಾತ್ ಅಲ್ಲಿಗೆ ಬಂದಿದ್ದ ಹೊಳೆ ಬಸಣ್ಣ ಎಂಬ ದಲಿತ ಕಲಾವಿದರು ಎಡ್ಡಿಯ ಮನೆಯ ಎತ್ತಿನಗಾಡಿಯಲ್ಲೇ ಎಡ್ಡಿಯನ್ನು ಹಾಕಿಕೊಂಡು ಆನಂದಪುರಂ ಆಸ್ಪತ್ರೆಗೆ ದಾಖಲು ಮಾಡಿದ್ದರು, ಎಡ್ಡಿ ಬದುಕುವುದಿಲ್ಲ ಎಂಬ ಸುದ್ದಿ ಆಗಿತ್ತು ಆದರೆ ಅಚಾನಕ್ ಆಗಿ ಎಡ್ಡಿ ಪುನರ್ಜನ್ಮ ಪಡೆದಿದ್ದ.
 
ನಮ್ಮ ಊರಿನ ಸಮೀಪದ ಗೇರುಬೀಸಿನಲ್ಲಿ ಎಡ್ಡಿ ತನ್ನ ಸ್ವಂತ ಜಮೀನಲ್ಲಿ ಅಡಿಕೆ ಇತ್ಯಾದಿ ಕೃಷಿ ಮಾಡಿಕೊಂಡು ಸಂಸಾರದ ಜೊತೆ ನೆಮ್ಮದಿಯ ಜೀವನ ಸಾಗಿಸುತ್ತಿದ್ದಾರೆ.
  ಈ ಜಮೀನು ನಾನು ರಾಜಕೀಯದಲ್ಲಿದ್ದಾಗ ರಾಜ್ಯದಲ್ಲೇ ಮೊದಲ ಬಗರ್ ಹುಕುಂ ಜಮೀನು ನಮ್ಮ ಗ್ರಾಮ ಪಂಚಾಯಿತಿಯಲ್ಲಿ ಮಂಜೂರು ಮಾಡಿದ ದಾಖಲೆ ಮಾಡುವ ಹುಮ್ಮಸ್ಸಿನಲ್ಲಿದ್ದಾಗ ಎಡ್ಡಿಗೂ ಮೂರುವರೆ ಎಕರೆ ಜಮೀನು ಮಂಜೂರು ಮಾಡಿಸಿದ್ದನ್ನು ಎಡ್ಡಿ ಯಾವಾಗಲೂ ಸ್ಮರಿಸುತ್ತಾನೆ.
 
 ಕರೆಂಟು ನೀರು ದಾರಿ ಇಲ್ಲದ ಈ ಜಮೀನಿನಲ್ಲಿ ಎಡ್ಡಿ ದಂಪತಿಗಳು ಗುಡಿಸಲು ಕಟ್ಟಿಕೊಂಡು ಕಷ್ಟ ಪಟ್ಟು ಜೀವನ ಮಾಡಿದ್ದರು, ಎಲ್ಲಾ ರೀತಿಯ ಪ್ರಯತ್ನಗಳಿಂದ ಈಗ ಈ ಜಮೀನಿನಿಂದ ಉತ್ಪತ್ತಿ ಪಡೆಯುತ್ತಾ ಎಲ್ಲಾ ಸೌಲಭ್ಯ ಪಡೆದಿದ್ದಾರೆ.
  ಇಬ್ಬರು ಗಂಡು ಮಕ್ಕಳು ರಬ್ಬರ್ ಶೀಟುಗಳ ಖರೀದಿಸುವ ಖಾಸಾಗಿ ಸಂಸ್ಥೆಯಲ್ಲಿ ಉದ್ಯೋಗ ಮಾಡುತ್ತಿದ್ದಾರೆ, ಏಕೈಕ ಪುತ್ರಿ ಮದುವೆ ಆಗಿ ದಾರವಾಡದಲ್ಲಿ ನೆಲೆಸಿದ್ದಾಳೆ, ಮಗಳ ಹೆರಿಗೆ ಆನಂದಪುರಂ ಆಸ್ಪತ್ರೆಯಲ್ಲಿ ಆಗಿದ್ದರಿಂದ ಎಡ್ಡಿಯ ಅಳಿಯ ಮತ್ತು ಬೀಗತಿ ದಾರವಾಡದಿಂದ ಬಂದಿದ್ದವರನ್ನು ನಮ್ಮ ಲಾಡ್ಜ್ ನಲ್ಲಿ ಉಳಿಸಿದ್ದರಿಂದ ಬಾಲ್ಯದ ಸಂಗಾತಿ ಪ್ರಾಥಮಿಕ ಶಾಲಾ ಕ್ಲಾಸ್ ಮೇಟ್ ಎಡ್ಡಿ ಪುನರ್ಮಿಲನ ಆಯಿತು.
Labels:

Comments

Post a Comment

Popular posts from this blog

# ಜುಟ್ಟು ಕಾಳಿಂಗ ಸಪ೯ದ ಆಸ್ತಿತ್ವದ ಮಲೆನಾಡಿನ ಮಿಥ್ಯೆ#

  # ಕಾಳಿ೦ಗ ಸಪ೯ದಲ್ಲಿ ಜುಟ್ಟು ಕಾಳಿಂಗ ಸಪ೯ ಅಂತ ಇದೇ ಅನ್ನುವ ಯಾರು ನೋಡದ ಸಪ೯ದ ಅಸ್ತಿತ್ವ#    ಮಲೆನಾಡಿನ ಹಳ್ಳಿಗಳಲ್ಲಿ, ಅದು ಕಾಳಿ೦ಗ ಸಪ೯ದ ವಾಸಸ್ಥಳದ ಪರಿಸರದಲ್ಲಿ ಜುಟ್ಟು ಕಾಳಿಂಗ ಸಪ೯ ಇದೆ ಅನ್ನುವ ಮಾತು ಆಗಾಗ್ಗೆ ಕೇಳುತ್ತಿರುತ್ತೇವೆ. ಆದರೆ ಆ ರೀತಿಯ ಹಾವು ಇಲ್ಲ ಎಂದು ಹಾವಿನ ಬಗ್ಗೆ ಸಂಶೋದನೆ ಮಾಡುವವರು, ಅರಣ್ಯ ಇಲಾಖೆಯವರು, ಹಾವು ಹಿಡಿಯುವವರು ಖಡಾಖಂಡಿತವಾಗಿ ಹೇಳುತ್ತಾರಾದರು, ಈ ವದಂತಿ ಹೇಗೆ ಹರಡಿದೆ?.    ಇದು ಒಂದು ಊರು ಹಳ್ಳಿಯಲ್ಲ ನಾನು ನೋಡಿದಂತೆ ಮಹಾರಾಷ್ಟ್ರದ ರತ್ನಗಿರಿಯಿ೦ದ ಕೇರಳದ ಕಾಸರಗೋಡಿನ ತನಕ ಜುಟ್ಟು ಕಾಳಿಂಗದ ಅನೇಕ ರೋಚಕ ಕಥೆ ಕೇಳಿದ್ದೇನೆ.   ಪ್ರತ್ಯಕ್ಷ ನೋಡಿದವರು ತಾವು ಎನ್ನುವ ಅನೇಕರಲ್ಲಿ ಮಾತಾಡಿದ್ದೇನೆ ಆದರೆ ಅದು ನಂಬಲಹ೯ ಮಾಹಿತಿ ಅನಿಸಲಿಲ್ಲ, ಒಂದು ರೀತಿ ಕಾಲ್ಪನಿಕ ತ್ರಿಲ್ಲರ್ ಕಥೆ ಅಷ್ಟೇ ಅನ್ನಬಹುದು.    ಜಡೆ ಕಾಳಿಂಗ ಸಪ೯ಕ್ಕೆ ರೋಷ ಜಾಸ್ತಿ, ಹೆಡೆ ಮೇಲೆ ಕೂದಲಿನ ಜುಟ್ಟು ಇರುತ್ತೆ, ಮನುಷ್ಯರನ್ನ ಕಂಡರೆ ಓಡಿಸಿಕೊಂಡು ಬರುತ್ತೆ, ಅದರಿಂದ ತಪ್ಪಿಸಿಕೊಳ್ಳಲು ಒಂದೇ ದಾರಿ ಅದೇನೆಂದರೆ ತಗ್ಗಿನ ಪ್ರದೇಶದಲ್ಲಿ ಓಡುವುದು.     ಯಾಕೆ೦ದರೆ ಓಡಿಸಿಕೊಂಡು ಬರುವ ಜುಟ್ಟು ಕಾಳಿಂಗದ ಜುಟ್ಟು, ಇಳಿಜಾರಿನಲ್ಲಿ ಅದರ ತಲೆಯಿ೦ದ ಇಳಿಜಾರಿಗೆ ಸರಿಯುವುದರಿಂದ  ಕಣ್ಣಿನ ಮೇಲೆ ಕೂದಲ ಜುಟ್ಟು ಮುಚ್ಚುವುದರಿಂದ ಕಣ್ಣು ಕಾಣುವುದಿಲ್ಲ, ಆಗಲೇ ತಪ್...
Post a Comment
Read more

Blog number 1037. ರಾಜಕುಮಾರಿ ಶಾಂತವ್ವ ಮತ್ತು ದಲಿತ ಯುವಕ ಸಿದ್ದೇಶ್ವರರ ಅಮರ ಪ್ರೇಮದ ಸ್ಮಾರಕ, ಅನ್ಯ ಜಾತಿ ವಿವಾಹವಾದ್ದರಿಂದ ರಾಜಕುಮಾರಿಗೆ ಸೂಳೆ ಪಟ್ಟ ನೀಡಿದ ಸಮಾಜ. ಸಮಾಜದ ಒಳಿತಿಗಾಗಿ ಶಾಂತವ್ವ ಕಟ್ಟಿಸಿದ ಬೃಹತ್ ಕೆರೆಗೆ ಜನ ಕರೆದದ್ದು ಸೂಳೆ ಕಟ್ಟಿಸಿದ ಕೆರೆ ಅದೇ ಸೂಳೆಕೆರೆ / ಶಾಂತಿ ಸಾಗರ

# ಸೂಳೆಕೆರೆ (ಶಾಂತಿ ಸಾಗರ) ಅಂತರ್ ಜಾತಿ ಪ್ರೇಮ ವಿವಾಹದ ದುರOತ ಕಥೆ. #ಅಕ್ಟೋಬರ್ 2019 ರಲ್ಲಿ ತುಂಬಿ ತುಳುಕಿತ್ತು.  ಚಿತ್ರದುಗ೯, ದಾವಣಗೆರೆ ಬಳ್ಳಾರಿ ಮುಂತಾದ ಮಳೆ ಕಡಿಮೆ ಆಗುತ್ತಿದ್ದ ಜಿಲ್ಲೆಗಳಲ್ಲಿ ಅದೂ ಅಕ್ಟೋಬರ್ ತಿಂಗಳ 2019 ರಲ್ಲಿ  ಬಂದಿದ್ದ ಬಾರಿ ಮಳೆ ಎಲ್ಲಾ ಕೆರೆ, ಹೊಂಡಗಳು ತುಂಬಿ ತುಳುಕಿದೆ, ಸಾಮಾಜಿಕ ಜಾಲ ತಾಣದಲ್ಲಿ 40 ವಷ೯ದಲ್ಲಿ ಇಂತ ಮಳೆ ಬಂದಿಲ್ಲ ಅಂತ ಸುದ್ದಿ ಹರಿದಾಡುತ್ತಿತ್ತು ಮತ್ತು  ಸೂಳೆಕೆರೆ ತುಂಬಿ ಕೋಡಿ ಬಿದ್ದಿದೆ ಅಂತೆಲ್ಲ Post ನೋಡಿ ಬೆಂಗಳೂರಿಂದ ಬರುವಾಗ ಚಿತ್ರದುಗ೯ ಮಾಗ೯ವಾಗಿ ಚನ್ನಗಿರಿ ತಲುಪಿ ಸೂಳೆಕೆರೆ ನೋಡಲು ಹೋಗಿದ್ದೆ.  11ನೇ ಶತಮಾನದಲ್ಲಿ (1128ರಲ್ಲಿ)ಕೇವಲ 3 ವಷ೯ದಲ್ಲಿ ಈ ಕೆರೆ ನಿಮಾ೯ಣ ಮಾಡಿಸಿದ್ದು ಶಾಂತವ್ವ ಎಂಬ ರಾಜ ಕುಮಾರಿ ಅವಳು ಸ್ವಣ೯ವತಿ ಪಟ್ಟಣದ ದೊರೆ ವಿಕ್ರಮ ರಾಜನ ಮಗಳು, ಸಿದ್ದೇಶ್ವರ ಎಂಬ ಅನ್ಯ ಜಾತಿಯ ಯುವಕನೊ೦ದಿಗೆ ಗಾಂದವ೯ ವಿವಾಹ ಆಗುತ್ತಾಳೆ ಇದನ್ನ ಸಹಿಸದ ಮತ್ತು ಒಪ್ಪದ ಜನತೆ ಸೂಳೆ ಎಂದು ಮೂದಲಿಸುತ್ತಾರOತೆ ಈ ರೀತಿ ತನಗೆ ಬಂದ ಕಳಂಕ ಕಳೆಯಲು ಈ ಬೃಹತ್ ಕೆರೆ ತನ್ನ ಪತಿ ಸಿದ್ದೇಶ್ವರನ ಜೊತೆ ಸೇರಿ ನಿಮಿ೯ಸಿ ಕೆರೆಗೆ ಹಾರವಾದಳೆoಬ ಇತಿಹಾಸ ಇದೆ ಇದರಿಂದ ನೊಂದ ಪತಿ ಸಿದ್ಧೇಶ್ವರ ಕೂಡ ಎದುರಿನ ಗುಡ್ಡದಲ್ಲಿ ಜೀವ ತ್ಯಾಗ ಮಾಡುತ್ತಾನೆ ಈಗ ಅಲ್ಲಿ ಸಿದ್ದೇಶ್ವರ ದೇವಸ್ಥಾನವಿದೆ.   ಈ ಕೆರೆ ಈಗಲೂ ಸೂ...
Post a Comment
Read more

ಶ್ರೀಧರ ಸ್ವಾಮಿ ವರದಳ್ಳಿ ಪವಾಡ ಪುರುಷರು.

   ಶಿವಮೊಗ್ಗ ಜಿಲ್ಲೆ ಸಾಗರ ತಾಲ್ಲೂಕಿನ ವರದಳ್ಳಿಯ ತಪಸ್ವಿ ಶ್ರೀಧರ ಸ್ವಾಮಿಗಳು.   ವರದಳ್ಳಿ ಶ್ರೀಧರ ಸ್ವಾಮಿಗಳ ಬಗ್ಗೆ ಕೇಳಿದ್ದು, ಓದಿದ್ದು ಮತ್ತು ಅವರ ಒಡನಾಡಿಗಳನ್ನ ಭೇಟಿ ಮಾಡಿದ್ದು ಬಿಟ್ಟರೆ ಅವರನ್ನ ಪ್ರತ್ಯಕ್ಷವಾಗಿ ನೋಡಿಲ್ಲ.     ನಾವು ಚಿಕ್ಕವರಿದ್ದಾಗ ಪ್ರಾಥಮಿಕ ಶಾಲೆಯಲ್ಲಿ ವ್ಯಾಸಂಗ ಮಾಡುವಾಗ ಆಗಿನ ಕಾಲದ ಖ್ಯಾತ ಚಲನಚಿತ್ರ ನಟ ಉದಯ ಕುಮಾರ್ ಅರಳಿ ಮರದ ಗ್ಯಾರೇಜ್ ಹತ್ತಿರ ಬಂದಿದ್ದಾರೆ ಅಂತ ಊರಿನ ಜನರೆಲ್ಲ ಗುಂಪು ಗುಂಪಾಗಿ ಓಡುತ್ತಿದ್ದರು, ನಾವು ಚಿಕ್ಕ ಮಕ್ಕಳೆಲ್ಲ ಅವರನ್ನ ಹಿಂಬಾಲಿಸಿದೆವು.       ಅಲ್ಲಿ ಒಂದು ಬಿಳಿ ಅಂಬಾಸಡರ್ ಕಾರು ನಿಂತಿದ್ದು ಅದರ ಅಡಿಯಲ್ಲಿ ಮಲಗಿ ಮೆಕ್ಯಾನಿಕ್ ದುರಸ್ತಿ ಮಾಡುತ್ತಿದ್ದರೆ ಎತ್ತರದ ಮಣ್ಣು ದಿಬ್ಬದ ಮೇಲೆ ನಮ್ಮ ನಟ ಉದಯ ಕುಮಾರ್ ಸಿಗರೇಟು ಸೇದಿ ಹೊಗೆ ಬಿಡುತ್ತಿದ್ದರು. ಯಾರೂ ಅವರ ಹತ್ತಿರ ಮಾತಾಡುವ ದೈಯ೯ ವಹಿಸಲಿಲ್ಲ ಆದರೆ ನೆರೆದ ಜನ ಮಾತಾಡಿಕೊಳ್ಳುತ್ತಿದ್ದ ಮಾತಿನ ಸಾರಾಂಶವೆಂದರೆ ವರದಳ್ಳಿಯಲ್ಲಿ ತಪಸ್ಸು ಮಾಡುತ್ತಿದ್ದ ಶ್ರೀಧರ ಸ್ವಾಮಿಗಳು ದೇಹತ್ಯಾಗ ಮಾಡಿದ್ದಾರೆ ಅದನ್ನ ಕೇಳಿ ಅವರ ಭಕ್ತ ಮತ್ತು ಶಿಷ್ಯರಾದ ಖ್ಯಾತ ಚಿತ್ರ ನಟ ಉದಯ ಕುಮಾರ್ ಬರುವಾಗ ಕಾರು ಹಾಳಾಗಿ ದುರಸ್ತಿಗಾಗಿ ನಿಂತಿದ್ದಾರೆ, ದುಃಖದಲ್ಲಿ ಇರೋದರಿಂದ ಆ ರೀತಿ ಸಿಗರೇಟು ಸೇದಿ ಬೂದಿ ಮಾಡುತ್ತಿದ್ದಾರೆ ಅವರ ಹತ್ತಿರ ಯಾರೂ ಮಾತಾಡ ಬೇಡಿ ಅಂತ ...
1 comment
Read more