Blog number 1590. ಕನ್ನಡ ಸಾಹಿತ್ಯ ಲೋಕದ ಹೊಸ ನಕ್ಷತ್ರ ಎ.ವಿ.ಕೃಷ್ಣಮೂರ್ತಿ ಅವರ ಆತ್ಮ ಚರಿತ್ರೆ "ನನ್ನ ಬಾಲ್ಯ" ಎರೆಡು ಭಾಗಗಳಾಗಿ ಓದುಗರಿಗೆ ಶೀಘ್ರವಾಗಿ ಲಭ್ಯವಾಗಲಿದೆ.

#ಶೃಂಗೇರಿಯ_ಕಾಲೇಜಿನ_ಮೊದಲ_ಬ್ಯಾಚಿನ_ರ್ಯಾಂಕ್_ವಿಜೇತರಾದ_AV_ಕೃಷ್ಣಮೂರ್ತಿ.

#ಇವರ_ಆತ್ಮ_ಚರಿತ್ರೆ_ನನ್ನ_ಬಾಲ್ಯ_ಮುದ್ರಣದಲ್ಲಿ.

#ಎರೆಡು_ಭಾಗದಲ್ಲಿ_ಪ್ರಕಟವಾಗಲಿದೆ.

#ಈ_ಪುಸ್ತಕಕ್ಕೆ_ಮುನ್ನುಡಿ_ಬರೆಯುವ_ಅವಕಾಶ_ನನಗೆ.

#ಪುಸ್ತಕ_ಬಿಡುಗಡೆ_ನಿರೀಕ್ಷೆಯಲ್ಲಿ.

  

  ನಾನು A.V. ಕೃಷ್ಣಮೂತಿ೯ ಅವರ ಬರವಣಿಗೆಗೆ ಫಿದಾ ಆದ ಓದುಗ ಅವರ ಸರಣಿ ಲೇಖನಗಳನ್ನು ಬಕ ಪಕ್ಷಿಯಂತೆ ಕಾಯುತ್ತಿದ್ದೆ, ಅವರ ಬರೆದದ್ದೆಲ್ಲ ಪ್ರಕಟ ಮಾಡಿದರೆ ಐದಾರು ಪುಸ್ತಕ ಆಗಲಿದೆ.

    ಅವರ ಪುಸ್ತಕ ಲೋಕಾರ್ಪಣೆ ಆದ ಮೇಲೆ ಅವರೊಬ್ಬ ಹೊಸ ಸಾಹಿತಿ ಕನ್ನಡ ಸಾರಸ್ವತ ಲೋಕದಲ್ಲಿ ಉದಯ ಆಗಲಿದ್ದಾರೆ.

  ಅವರ ಲೇಖನಗಳು ಪುಸ್ತಕವಾಗಲಿ ಎಂದು ಆಶಿಸಿದವರಲ್ಲಿ ನಾನು ಒಬ್ಬ ಅದನ್ನು ಅವರಿಗೆ ಆಗಾಗ ತಿಳಿಸುತ್ತಿದ್ದೆ.

  ಈಗ ಎರೆಡು ಭಾಗದಲ್ಲಿ ಅಚ್ಚಾಗಲಿರುವ ಇವರ ಆತ್ಮಚರಿತ್ರೆ "ನನ್ನ ಬಾಲ್ಯ" ಕ್ಕೆ ಮುನ್ನುಡಿ ಬರೆಯಲು ಪ್ರೀತಿಯಿಂದ ಕೇಳಿದ್ದಾರೆ ಅವರ ಎಲ್ಲಾ ಲೇಖನಗಳನ್ನು ಓದಿರುವ ನಾನು ಬರೆದ ಮುನ್ನುಡಿ ಕೆಳಗಿದೆ.

  A.V.ಕೃಷ್ಣಮೂತಿ೯ ಅವರಿಗೆ ಅವರ ಆತ್ಮಚರಿತ್ರೆ ಪ್ರಕಟವಾಗುವ ಈ ಸಂದರ್ಭದಲ್ಲಿ ಅಭಿನಂದಿಸುತ್ತೇನೆ.

#ನಾ_ಬರೆದ_ಮುನ್ನುಡಿ

  ಶಿವಮೊಗ ಜಿಲ್ಲೆಯ ಬಗಲಿನ ಕೊಪ್ಪ ಚಿಕ್ಕಮಗಳೂರು ಜಿಲ್ಲೆಯ ತಾಲ್ಲೂಕು ಕೇಂದ್ರ, 1960 ರ ದಶಕದ ಅಲ್ಲಿನ ಚಿತ್ರಣವನ್ನು A.V. ಕೃಷ್ಣಮೂರ್ತಿ ಎಷ್ಟು ಸುಂದರವಾಗಿ ಸರಳವಾಗಿ ವಿವರಿಸಿದ್ದಾರೆನ್ನುವುದು ಅವರ ಆತ್ಮಚರಿತ್ರೆ ಆದ ಈ ಪುಸ್ತಕದಲ್ಲಿ ನೋಡಬಹುದು.

  ಈ ಲೇಖನ ನನ್ನ ಫೇಸ್ ಬುಕ್ ನಲ್ಲಿ ಶೇರ್ ಮಾಡಿ ಗೆಳೆಯರಿಗೆಲ್ಲ ಲಿಂಕ್ ಕಳಿಸಿದ್ದೆ, ಎಲ್ಲರೂ ನಂತರದ ದಿನಗಳಲ್ಲಿ ಇವರ ಲೇಖನಗಳಿಗೆ ಅಭಿಮಾನಿಗಳಾಗಿದ್ದಾರೆ.

  ಇವರ ಆತ್ಮಚರಿತ್ರೆ ಇಂಗ್ಲೀಷ್ ನಲ್ಲಿ ಬರೆದ ನೂರಕ್ಕೂ ಹೆಚ್ಚು ಅಧ್ಯಾಯಗಳನ್ನು ಇವರು ಇವರ ಸಹೋದರಿಗಾಗಿ ಕನ್ನಡದಲ್ಲಿ ಅನುವಾದಿಸಿರುವುದೇ ಈ ಪುಸ್ತಕ.   ಇದರಲ್ಲಿ ಇವರ ಬಾಲ್ಯದ ಕಥೆಗಳು ಮಲೆನಾಡಿನ ಅಂದಿನ ಪರಿಸರ, ಕಾಲಮಾನಗಳ ಜೊತೆ ಪೊಣಿಸಿದ ಸುಂದರವಾದ ಹೂ ಮಾಲೆಯಂತೆ ಇದೆ.

  1954 ರಲ್ಲಿ ತುಂಗಾ ನದಿಯಲ್ಲಿ ದೇಹ ಪರಿತ್ಯಾಗ ಮಾಡಿದ ಶೃಂಗೇರಿ ಜಗದ್ಗುರುಗಳ ಆ ಘಟನೆ, 1965 ರಲ್ಲಿ ಅವರ ಸ್ಮರಣಾರ್ಥ ಶೃಂಗೇರಿಯಲ್ಲಿ ಪ್ರಾರಂಭವಾದ ಕಾಲೇಜು ಉದ್ಘಾಟನೆ ಮಾಡಿದವರು ಮಣಿಪಾಲಿನ ಡಾ.ಟಿ.ಎಂ.ಎ.ಪೈ. ಆ ಕಾರ್ಯಕ್ರಮದ ಅಧ್ಯಕ್ಷತೆ ಅಂದಿನ ಚಿಕ್ಕಮಗಳೂರು ಜಿಲ್ಲಾದಿಕಾರಿ H. L. ನಾಗೇಗೌಡರು (ಜನಪದ ಲೋಕ) ವಹಿಸಿದ್ದರಂತೆ.

  ಆಡಳಿತ ಮಂಡಳಿ ಒತ್ತಾಯದಿಂದ ಶಿವಮೊಗ್ಗದ ಶಾಲೆ ತೊರೆದು ಈ ಕಾಲೇಜಿನ ಮೊದಲ ವಿದ್ಯಾರ್ಥಿ ಆದ  A.V. ಕೃಷ್ಣಮೂರ್ತಿ ಅದೇ ವರ್ಷ ರಾಜ್ಯಕ್ಕೆ 4 ನೇ ರ್ಯಾಂಕ್ ತಂದು ಕಾಲೇಜಿನ ಇತಿಹಾಸದಲ್ಲಿ ದಾಖಲೆ ಮಾಡುತ್ತಾರೆ.

   ಬಿಎಸ್ಸಿಯಲ್ಲಿ ರಾಜ್ಯಕ್ಕೆ 10 ನೇ ರ್ಯಾಂಕ್ ಬರುತ್ತದೆ ಇವರಿಗೆ, ನಂತರ ಬೆಂಗಳೂರಿನ ಟಾಟಾ ಇನ್ಸ್ಟಿಟ್ಯೂಟ್ ನಲ್ಲಿ ಖನಿಜ ಶಾಸ್ತ್ರದಲ್ಲಿ ಇಂಜಿನಿಯರಿಂಗ್ ಕಲಿಯಲು ಸೇರುತ್ತಾರೆ ಆದರೆ ಕೆಲವೇ ದಿನಗಳಲ್ಲಿ ಬೆಂಗಳೂರಿನ ಸುಭಾಷ್ ನಗರ ಬಸ್ ನಿಲ್ದಾಣದಿಂದ ಶೃಂಗೇರಿಗೆ ಇವರಣ್ಣ ಪುಟ್ಟಣ್ಣನ ಜೊತೆ ವಾಪಾಸ್ ಬರುತ್ತಾರೆ೦ದರೆ ಬಡವರಿಗೆ ಅಹ೯ತೆ ಇದ್ದರೂ ಹಣ ಹೊಂದಿಸಲಾಗದೆ ಅನರ್ಹರಾಗುವ ಅವರ ಜೀವನದ ಕಥೆ ಒಂದು ದುರಂತವೇ ಆಗಿದೆ.

  ನಿಜಕ್ಕೂ ನನಗೆ ಇವರ ಲೇಖನಗಳು ರಸವತ್ತಾಗಿ ಮುಂದಿನ ಅಧ್ಯಾಯಕ್ಕಾಗಿ ಕಾಯುತ್ತಿದ್ದೆ, ಕೆಲವು ಅವರ ಜೀವನದ ಕಷ್ಟಗಳು ನನ್ನ ದುಃಖ ಉಮ್ಮಳಿಸಿತ್ತಿತ್ತು.

   ಇಂಜಿನಿಯರ್ ಆಗಿ ದೊಡ್ಡ ವಿಜ್ಞಾನಿಯೇ ಆಗಬಹುದಿದ್ದ ಪ್ರತಿಭಾವಂತ A.V. ಕೃಷ್ಣಮೂರ್ತಿ ಬ್ಯಾಂಕ್ ಆಡಿಟರ್ ಆಗಿ ಸೀನಿಯರ್ ಮ್ಯಾನೇಜರ್ ಆಗಿ ಸ್ವಯಂ ನಿವೃತ್ತರಾಗಿದ್ದಾರೆ.

   ಇವರ ಹುರಳಿ ಹಕ್ಕಲಿನ ಗತ ವೈಭವ, ಬ್ಯಾಂಕಿನ ದಿನಗಳು ಮುಂದಿನ ದಿನಗಳಲ್ಲಿ ಕನ್ನಡ ಓದುಗರಿಗೆ ಪುಸ್ತಕವಾಗಿ ಸಿಗಲಿ ಎಂದು ಹಾರೈಸುತ್ತೇನೆ.

  1960-70 ರ ದಶಕದ ಶಿವಮೊಗ್ಗ ಅವತ್ತಿನ ಶಿವಮೊಗ್ಗದ ಮಿನಾಕ್ಷಿ ಭವನ, ಗಾರ್ಡನ್ ಏರಿಯಾ,ನೆಹರೂ ರಸ್ತೆ, ಬ್ರಾಹ್ಮಣ ವಿದ್ಯಾರ್ಥಿ ನಿಲಯ, ನ್ಯಾಷನಲ್ ವಿದ್ಯಾ ಸಂಸ್ಥೆ, ಸಹ್ಯಾದ್ರಿ ಕಾಲೇಜು, ಅಂದಿನ ಖ್ಯಾತ ಸಾರಿಗೆ ಬಸ್ಸುಗಳಾದ CKMS ಮತ್ತು ಶಂಕರ್ ಕಂಪನಿ, ಅಡಿಕೆ - ಭತ್ತ- ವೀಳ್ಯದೆಲೆ ಕೃಷಿ ಮತ್ತು ಅದರ ಮಾರಾಟ, ಆಗಷ್ಟೇ ಬಳಕೆ ಪ್ರಾರಂಭವಾದ ಗ್ರಾಮಾಫೋನು, ಅಲಾರಂ, ರೆಡಿಯೋ ಇತ್ಯಾದಿಗಳಿಂದ ನಮ್ಮನ್ನೆಲ್ಲಾ ಹಿಂದಿನ ಶತಮಾನಕ್ಕೆ ಕರೆದೊಯ್ಯುವ ಈ ಶಕ್ತಿಶಾಲಿ ಲೇಖಕ A.V. ಕೃಷ್ಣಮೂರ್ತಿ ಕನ್ನಡ ಸಾಹಿತ್ಯ ಲೋಕದಲ್ಲಿ ತಮ್ಮದೇ ಛಾಪು ಮೂಡಿಸಿರುವ ಸಾಹಿತಿಗಳಾಗಿದ್ದಾರೆ.

  ಅವರ ಜೀವನದ ನೆನಪುಗಳು ಎಲ್ಲವೂ ಪುಸ್ತಕವಾಗಿ ಬರಲಿ ಎ೦ದು ಹಾರೈಸುತ್ತೇನೆ.

ಇತಿ.

ಕೆ.ಅರುಣ್ ಪ್ರಸಾದ್

ಹೊಂಬುಜ ರೆಸಿಡೆನ್ಸಿ

ಆನಂದಪುರಂ

 arunprasadsagar@gmail.com