Blog number 1620. ಕೆಳದಿ ಇತಿಹಾಸಕ್ತರು ಓದ ಬೇಕಾದ ಪುಸ್ತರ ಪುತ್ತೂರು ಅನಂತರಾಜ ಗೌಡರು ಬರೆದಿರುವ ಗೌಡ ಪರಂಪರೆ 10 ಕುಟುಂಬ 18 ಗೋತ್ರ.

#ಪುತ್ತೂರು_ಅನಂತರಾಜಗೌಡರ_ಈ_ಪುಸ್ತಕ

#ಗೌಡ_ಪರಂಪರೆ_10_ಕುಟುಂಬ_18_ಗೋತ್ರ

#ಸಾಹಿತಿ_ವಿಮರ್ಶಕರಾದ_ಅರವಿಂದಚೊಕ್ಕಾಡಿ_ವಿಮರ್ಷೆಯಲ್ಲಿ

#ಗೌಡ_ಪರಂಪರೆಯ_ಪ್ರಾರ್ಥನೆಯಲ್ಲಿ_ಅರಮನೆ_ಇಕ್ಕೇರಿ

#ಗುರುಮನೆ_ಶೃಂಗೇರಿ

#ಅನಂತರಾಜರ_ಈ_ಪುಸ್ತಕದಲ್ಲಿ_ಕೆಳದಿ_ವಂಶಸ್ತರ_ಮೂಲದ_ಬಗ್ಗೆ_ಕೂಡ_ದಾಖಲಿಸಿದ್ದಾರೆ.

#ಇದು_ಕೆಳದಿ_ಇತಿಹಾಸಕ್ತರು_ಓದ_ಬೇಕಾದ_ಪುಸ್ತಕ.

 ಅರವಿಂದ ಚೊಕ್ಕಾಡಿ ಅವರ ಪೇಸ್ ಬುಕ್ ನಿಂದ

     ಪುತ್ತೂರು ಅನಂತರಾಜ ಗೌಡ ಅವರು ಬರೆದಿರುವ ' ಗೌಡ ಪರಂಪರೆ 10 ಕುಟುಂಬ 18 ಗೋತ್ರ' ಪುಸ್ತಕವನ್ನು ಕೇವಲ ಕುತೂಹಲದಿಂದ ಓದಿದೆ. ನಾನು ಜನಾಂಗೀಯ ಅಧ್ಯಯನಕಾರನಾಗಲಿ, ಜನಪದ ಅಧ್ಯಯನಕಾರನಾಗಲಿ ಅಲ್ಲದಿರುವುದರಿಂದ ಇದು ಕೇವಲ ಆಸಕ್ತಿ ಮತ್ತು ಕುತೂಹಲದ ಓದೇ ಹೊರತು ಅಧ್ಯಯನ ಉದ್ದೇಶದ ಓದಲ್ಲ. 

ಇಲ್ಲಿರುವ ಹಲವು ವಿಷಯಗಳು ಬೇರೆ ಬೇರೆ ಸಂದರ್ಭದಲ್ಲಿ ಪ್ರಸ್ತಾಪಿಸಲ್ಪಟ್ಟಿರುವ ಸಂಗತಿಗಳಾಗಿವೆ. ಅಂತಹ ಸಂಗತಿಗಳನ್ನು ಮತ್ತು ಇದು ವರೆಗೆ ಹೆಚ್ಚು ಚರ್ಚೆಗೊಳಗಾಗಿರದ ಸಂಗತಿಗಳನ್ನು ಕ್ರೋಢೀಕರಿಸಿ ಸಮುದಾಯದ ನೆಲೆಗಟ್ಟಿನಲ್ಲಿ ಅನಂತರಾಜ ಗೌಡರು ವಿಸ್ತೃತ ಚರ್ಚೆ ನಡೆಸಿದ್ದಾರೆ. ಗೌಡ ಸಮುದಾಯದ ವಲಸೆ ಮತ್ತು ಅದರ ಹಿಂದಿರುವ ಮತಧಾರ್ಮಿಕ ಸಂಗತಿಗಳ ಅಭಿಪ್ರೇರಣೆಯ ವಿಷಯಗಳು ಸ್ವಾರಸ್ಯಕರವಾಗಿದೆ. ಇತಿಹಾಸದ ಉದ್ದಕ್ಕೂ ಜಾತ್ಯಂತರ, ಮತಾಂತರ ನಡೆದ ಬಗ್ಗೆ, ಹಿಮ್ಮರಳುವಿಕೆ ಆದ ಬಗ್ಗೆ ಹೇಳುವ ಕೃತಿಯು ವ್ಯವಸ್ಥೆ ಮತ್ತು ಮಾನವ ಸ್ವಭಾವದ ಚಲನಶೀಲತೆಯನ್ನು ನಿರೂಪಿಸುವಲ್ಲಿ ಸಫಲವಾಗಿದೆ. ಬೇರೆ ಬೇರೆ ಜಾತಿ-ಮತಧರ್ಮಗಳು ಪರಸ್ಪರ ಪ್ರಭಾವಿಸಿ ವಿಲೀನಗೊಳ್ಳುವುದು ಮತ್ತು ಹಾಗೆ ವಿಲೀನಗೊಂಡ ನಂತರವೂ ಅನನ್ಯತೆಯನ್ನು ಉಳಿಸಿಕೊಳ್ಳುವುದನ್ನು ಕಾಣಿಸುವ ಕೃತಿಯು ಎಲ್ಲ ಸಮುದಾಯಗಳ ಇತಿಹಾಸದ ರಚನೆ ಮತ್ತು ಪರಿಷ್ಕರಣೆಗೆ ಪೂರೊವಾಗಿದೆ. ಉದಾಹರಣೆಗೆ ಕೃತಿಯಲ್ಲಿ ಗೌಡರು ಮೂಲತಃ ಅಹಿಚ್ಛತ್ರದವರಾಗಿದ್ದು ಅಲ್ಲಿಂದ ವಲಸೆ ಪ್ರಾರಂಭ ಆಗಿರುವ ವಿಷಯವಿದೆ.‌ ಹವ್ಯಕ ಸಮುದಾಯದವರೂ ಮೂಲತಃ ಅಹಿಚ್ಛತ್ರದವರೆಂದು ಮತ್ತೊಂದು‌ಸಮುದಾಯದ ಅಧ್ಯಯನದ ಅಂಶವಾಗಿದೆ. ಹಾಗಿದ್ದರೆ ಈ ಅಹಿಚ್ಛತ್ರ ಎಷ್ಟು ಸಮುದಾಯಗಳಿಗೆ "ಛತ್ರ" ವಾಗಿತ್ತು! ಎನ್ನುವ ಸ್ವಾರಸ್ಯಕರ ಅಧ್ಯಯನಕ್ಕೆ ಈ ಅಂಶ ಪ್ರೇರಣಾದಾಯಿಯಾಗಿದೆ.

' ಗುರುಮನೆಯವರೇ, ಅರಮನೆಯವರೇ, ಕಟ್ಟೆಮನೆಯವರೇ, ಮಾಗಣೆಯವರೇ, ಊರಗೌಡರೇ, ಹತ್ತು ಕುಟುಂಬ ಹದಿನೆಂಟು ಗೋತ್ರದ ಬಂಧು ಬಂಧವರೇ" ಎಂದು ಗೌಡರಲ್ಲಿ ಬರುವ ಪ್ರಾರ್ಥನೆಯ ವಿವರ ನನಗೆ ಗೊತ್ತಿದೆ. ಆದರೆ ಈ ಪ್ರಾರ್ಥನೆಯ ಹಿಂದೆ ಎಷ್ಟೊಂದು ದೊಡ್ಡ ಇತಿಹಾಸವಿದೆ ಎನ್ನುವುದು ಗೊತ್ತಿಲ್ಲ.‌ ಗೌಡರಿಗೆ ಗುರುಮನೆ ಶೃಂಗೇರಿ, ಅರಮನೆ ಇಕ್ಕೇರಿ ಎನ್ನುವ ವಿಚಾರ ಗೌಡ ಸಮುದಾಯದ ಒಟ್ಟಾರೆ ಸಾಂಸ್ಕೃತಿಕ ತೊಡಗಿಕೊಳ್ಳುವಿಕೆಯನ್ನು ಪ್ರತ್ಯೇಕವಾದ ಧಾರ್ಮಿಕ ಮತ್ತು ರಾಜಕೀಯ ನೆಲೆಗಟ್ಟಿನಲ್ಲಿ ಅಧ್ಯಯನ ಮಾಡಬೇಕಾದ ಅಗತ್ಯವನ್ನು ಸೂಚಿಸುತ್ತದೆ.

ಒಂದು ಸಮುದಾಯದ ಇತಿಹಾಸವನ್ನು ಕಟ್ಟುವುದು ಬಹಳ‌ ಕಠಿಣವಾದ ಕೆಲಸ. ಇತಿಹಾಸವನ್ನು ಕಟ್ಟುವಾಗ ವ್ಯಕ್ತಿಯ ವರ್ತನೆಗಳಲ್ಲಿನ ಸಾಮಾನ್ಯೀಕೃತ ಸಂಗತಿಗಳನ್ನು ಸಮುದಾಯದ ವರ್ತನೆಗಳೆಂದು ಭಾವಿಸಿಕೊಳ್ಳಬೇಕಾಗುತ್ತದೆ.‌ ಅಂತಹ ವರ್ತನೆಗಳು ಕಾಲಾನುಕ್ರಮದಲ್ಲಿ ಬದಲಾಗಿಯೂ ಅನನ್ಯತೆಯನ್ನು ಉಳಿಸಿಕೊಳ್ಳುತ್ತದೆ. ಆಗ ಈ ಬದಲಾವಣೆಗಳಿಗೆ ಮತ್ತು ಅನನ್ಯತೆಗೆ ಕಾರಣಗಳನ್ನು ಸಂಶೋಧಿಸಬೇಕು.‌ ಹೀಗೆ ಕಂಡುಕೊಂಡಾಗಲೂ ವಿಶ್ಲೇಷಣೆಗೆ ಸಿಗಲಾರದ ಹಲವು ಸಂಗತಿಗಳು ಇರುತ್ತವೆ.‌ ಮತ್ಯಾವುದೊ ಕಾಲದಲ್ಲಿ ಅವು ವಿಶ್ಲೇಷಣೆಗೆ ಒಳಗಾಗಲು ಸಾಧ್ಯವಾಗುತ್ತದೆ. ಈ ರೀತಿಯ ಸಾಧನೆ-ಸವಾಲುಗಳು ಈ ಕೃತಿಯಲ್ಲೂ ಇವೆ. ಈ ಎಲ್ಲದರ ನಡುವೆಯೂ ಅನಂತರಾಜ ಗೌಡರು ಗೌಡ ಸಮುದಾಯದ ಇತಿಹಾಸವನ್ನು ಕಾಣಿಸುವ ಸಾರ್ಥಕ ಪ್ರಯತ್ನವನ್ನು ಮಾಡಿದ್ದಾರೆ. ಅದಕ್ಕಾಗಿ ಅನಂತರಾಜ ಗೌಡರು ಅಭಿನಂದನಾರ್ಹರು.

 #ಅನ೦ತರಾಜಗೌಡರು_ನನ್ನ_ಪ್ರಶ್ನೆಗೆ_ಉತ್ತರಿಸಿದ್ದು.

Arun Prasad ಕೆಳದಿ(ಇಕ್ಕೇರಿ) ಅರಸರ ಕುರಿತು, ಅವರ ವಂಶವೃಕ್ಷ, ಮೂಲ ಪುರುಷರು ಭದ್ರಪ್ಪ ಗೌಡ + ಚೌಡಪ್ಪಗೌಡ ಕೃಷಿ ಮೂಲದವರು ಹಾಗೂ ತಲಕಾಡು ಗಂಗರ ಪರಿವಾರದವರು ಎಂಬುದನ್ನು ಶಾಸನೋಕ್ತವಾಗಿ ಮತ್ತು ಇತರ 7 ಆಧಾರಗಳಿಂದ ಗೌಡ ಪರಂಪರೆ ಕೃತಿಯಲ್ಲಿ ನಿರೂಪಿಸಲಾಗಿದೆ. ಚೌಡಪ್ಪಗೌಡನ ಮಗ ಸದಾಶಿವ ನಾಯಕನು ಲಿಂಗಧಾರಣೆ ಮಾಡಿ ಶಿವಾಚಾರದವನಾದ. ತುಳುನಾಡಿಗೆ ಗೌಡರ ವಲಸೆಯು ಜಾತಿ, ಮಥೀಯ ಹಾಗೂ ರಾಜಕೀಯ  ಕಾರಣದಿಂದ ನಡೆದಿದೆ ಎಂಬುದು ಆಧಾರಸಹಿತ ನನ್ನ ಪ್ರತಿಪಾದನೆ. ವೆಂಕಟಪ್ಪ ನಾಯಕನ ತುಳುನಾಡಿನ ಜೈತ್ರ ಯಾತ್ರೆಯಲ್ಲಿ ಹೆಚ್ಚಿನ ಸೈನಿಕರು ದಂಡನಾಯಕರು ಗೌಡರಾಗಿದ್ದರು. ನಾಯಕ ಹಿಂತಿರುಗುವಾಗ ಆಯಕಟ್ಟಿನಲ್ಲಿ ಗೌಡರನ್ನು ನೇಮಿಸಿದ್ದ. ಬೇಕಲ್ ಕೋಟೆಯ ಸರಹದ್ದಿನಲ್ಲಿ ಇಂದಿಗೂ ಹಲವು ಗೌಡ ಕುಟುಂಬಗಳಿದ್ದು ಸುಳ್ಯ ಸರಹದ್ದಿನಲ್ಲಿ ವ್ಯವಾಹಿಕ ಸಂಬಂಧ ಇಟ್ಟು ಕೊಂಡಿದ್ದಾರೆ.  ಸದಾಶಿವ ನಾಯಕನ ಸೋದರಳಿಯ ವೀರರಾಜ ವೆಂಕಟಪ್ಪ ನಾಯಕನ ದಂಡಯಾತ್ರೆಯಲ್ಲಿ ಭಾಗವಹಿಸಿ ಹಿಂದಿರುಗುವಾಗ ಕೂಜುಗೋಡು ಗೌಡ ಕಟ್ಟೆಮನೆಯಲ್ಲಿ ತಂಗಿದ್ದು ಕೊಡಗಿನಲ್ಲಿದ್ದ ಅರಾಜಕತೆಯನ್ನು ತಿಳಿದು ತನ್ನದೇ ರಾಜ್ಯ ಸ್ಥಾಪನೆಯ ಕನಸು ಕಂಡು ಅದನ್ನು ಸಾಕಾರ ಗೊಳಿಸಿದ.ಹೆಚ್ಚಿನ ಮಾಹಿತಿಯು ಕೃತಿಯಲ್ಲಿದೆ.

#ಪುಸ್ತಕ_ಖರೀದಿಸಲು_ಸಂಪರ್ಕ

ವೀರ ಲೋಕ ಬುಕ್ಸ್ #ಗೌಡಪರಂಪರೆ

7022122121/8861212172.