Skip to main content

Blog number 1790. ಹವಾಯಿ ಚಪ್ಪಲಿಗಳು ನಮ್ಮ ಜೀವನದಲ್ಲಿ ಅನಿವಾರ್ಯ ಆಗಿದ್ದೇಕೆ?

https://youtu.be/mc3Y0JsH5zU?feature=shared

#ನನ್ನ_ಮೊದಲ_ಪಾದರಕ್ಷೆಗಳು_ಹವಾಯ್_ಚಪ್ಪಲಿಗಳು.

#ಪಾದ_ರಕ್ಷಣೆಗೆ_ಚಪ್ಪಲಿ_ಬೇಕಾ_ಏಕೆ_ಎಂಬ_ಕಾಲ_ಅದು.

#ಬಡವ_ಶ್ರೀಮಂತ_ಎಂಬ_ಬೇದ_ಹವಾಯಿ_ಚಪ್ಪಲಿಗೆ_ಇಲ್ಲ

#ಅಕ್ಯೂಪ್ರಷರ್_ಹವಾಯಿ_ಚಪ್ಪಲಿಗಳು_ಉಪಯುಕ್ತ

#ಹವಾಯಿ_ಚಪ್ಪಲಿ_ಮೂಲ?


   ಐದನೆ ತರಗತಿಯಿಂದ 7 ನೇ ತರಗತಿವರೆಗೆ ಮದ್ಯಾಹ್ನ ಊಟದ ಬೆಲ್ ಹೊಡೆದ ಕೂಡಲೆ ಆನಂದಪುರಂನ ದಾಸಕೊಪ್ಪದ ಹಿರಿಯ ಪ್ರಾಥಮಿಕ ಶಾಲೆಯಿಂದ ಯಡೇಹಳ್ಳಿ ತನಕ 2 ಕಿಮಿ ಓಡುತ್ತಾ ಬಂದು ಅವಸರದಲ್ಲಿ ಗಬಗಬ ಊಟ ಮಾಡಿ ಪುನಃ ವಾಪಾಸ್ 2 ಕಿಮಿ ಓಡಿ ಮಧ್ಯಾಹ್ನದ ತರಗತಿಗೆ ತಲುಪುತ್ತಿದ್ದ ನಮ್ಮ ಯಡೇಹಳ್ಳಿ ವಿದ್ಯಾರ್ಥಿಗಳ ನಿತ್ಯದ ಹವ್ಯಾಸ ಆಗಿತ್ತು.
   ಬಿರು ಬೇಸಿಗೆಯಲ್ಲಿ ಕಾಲು ಸುಡುವ ಟಾರ್ ರಸ್ತೆಗಳು, ಕಲ್ಲು-ಮುಳ್ಳಿನ ಬಯಲುಗಳಲ್ಲೂ ಬರಿಗಾಲಲ್ಲಿ ಓಡಿಯೂ ಕಾಲಿನ ಪಾದ ಸುರಕ್ಷಿತವಾಗಿ ಇಟ್ಟುಕೊಳ್ಳುವ ಕೌಶಲ್ಯ ನಮ್ಮದಾಗಿತ್ತು ಆದ್ದರಿಂದ ಚಪ್ಪಲಿಗಳು ನಮಗೆ ಲೆಕ್ಕಕ್ಕೆ ಇರಲಿಲ್ಲ.
   8 ನೇ ತರಗತಿಗೆ ಸಾಗರದಲ್ಲಿ ಇಂಗ್ಲೀಷ್ ಮೀಡಿಯಂಗೆ ಸೇರಿದಾಗ ಅನಿವಾರ್ಯವಾಗಿ ಹವಾಯಿ ಚಪ್ಪಲಿ ತೊಡುವಂತಾಯಿತು.
  ಹವಾಯಿ ಚಪ್ಪಲಿ ಕಡಿಮೆ ಬಜೆಟ್ ನ ಪಾದ ರಕ್ಷಣೆಯ ಚಪ್ಪಲಿ ಇದರ ಮೂಲ ಜಪಾನಿನ ಸ್ಯಾಂಡಲ್ ಝೋರಿ ಎನ್ನುತ್ತಾರೆ ನಂತರ ಅಮೇರಿಕಾದ ಹೊನಲೂಲು ರಾಜ್ಯದ ರಾಜಧಾನಿ ಹವಾಯಿ ದ್ವೀಪದ ಟಿ ಮರದ ರಬ್ಬರ್ ಶೀಟ್ ಬಳಸಿ ತಯಾರಿಸಿದ್ದರಿಂದ ಹವಾಯಿ ಚಪ್ಪಲಿ ಎಂದು ಹೆಸರು ಬಂದಿದೆ ಅಂತೆ.
   ಭಾರತೀಯ ಬಾಟಾ ಕಂಪನಿ ಹವಾಯಿ ಬ್ರಾಂಡ್ ಪ್ರಾರಂಬಿಸಿ 2008ರಲ್ಲಿ ಬ್ರಿಜಿಲ್ ಕಂಪನಿಗೆ ತನ್ನ ಹವಾಯಿ ಬ್ರಾಂಡ್ ಮಾರಾಟ ಮಾಡಿದೆ.
  ಹವಾಯಿ ಜನಸಾಮಾನ್ಯರ ಕೈಗೆ ಎಟುಕುವ ಚಪ್ಪಲಿ ಆದರೂ ಇದರ ಹಗುರ ಮತ್ತು ಸರಳತೆಯಿಂದ ಬಡವ ಶ್ರೀಮಂತರೂ ಬಳಸುವಂತಾಗಿದೆ.
   ನಮ್ಮ ಪ್ರದಾನಿಗಳು ಶಿಮ್ಲಾ ದೆಹಲಿ ಸಂಪರ್ಕದ ಮೊದಲ ಉಡಾನ್ ವಿಮಾನ ಪ್ಲಾಗ್ ಆಫ್ ಮಾಡಿದಾಗ " ಹವಾಯಿ ಜಹಾಜ್ ನಲ್ಲಿ ಹವಾಯಿ ಚಪ್ಪಲ್ ಧರಿಸಿ ಜನರನ್ನು ನೋಡಲು ಬಯಸುತ್ತೇನೆ" ಎಂದು ಹೇಳಿರುವುದು ವಿಶೇಷ ಅರ್ಥ ಕಲ್ಪಿಸುತ್ತದೆ.
 
ಈಗೆಲ್ಲ ಡಯಾಬಿಟೀಸ್ ಇರುವವರಿಗೆ ಪಾದ ರಕ್ಷಣೆ ಬಗ್ಗೆ ವೈದ್ಯರು ವಿಶೇಷ ಕಾಳಜಿ ವಹಿಸಲು ಹೇಳುತ್ತಾರೆ, ಕಲ್ಲು- ಗಾಜು - ಮೊಳೆ- ಮುಳ್ಳು ತಾಗಿ ಗ್ಯಾಂಗ್ರೀನ್ ಆಗಬಾರದೆಂದು, ಮನೆಯ ಒಳಗೂ ಪ್ರತ್ಯೇಕ  ಹವಾಯಿ ಚಪ್ಪಲಿ ನಾನೂ ಬಳಸುತ್ತೇನೆ.
  ಮೃದುವಾದ ನುಣುಪಾದ ಹವಾಯಿ ಚಪ್ಪಲಿ ಜಾಗದಲ್ಲಿ ಅಕ್ಯೂಪ್ರೆಷರ್ ಹವಾಯಿ ಚಪ್ಪಲಿಗಳು ಈಗ ಪ್ರಸಿದ್ದಿ ಪಡೆದಿದೆ ಎಲ್ಲಾ ಪ್ರಖ್ಯಾತ ಬ್ರಾಂಡ್ ಗಳು ಇಂತಹ ಅಕ್ಯೂಪ್ರೆಷರ್ ಹವಾಯಿ ಚಪ್ಪಲಿಗಳನ್ನು ಅಮೇಜಾನ್ - ಪ್ಲಿಪ್ ಕಾರ್ಟ್ ನಲ್ಲಿ ಮಾರಾಟಕ್ಕೆ ಇಟ್ಟಿದೆ.
   ಅಂಗಾಲಿಗೆ ಮಸ್ಸಾಜ್ ಆಗುವ, ಪಾದದಲ್ಲಿ ರಕ್ತ ಸಂಚಾರ ಸರಾಗವಾಗಿಸುವ, ತಳ ಪಾದದ ಸ್ನಾಯುಗಳು ಶಕ್ತಿಯುತ ಮಾಡುವ,ನೋವು ನಿವಾರಕ ಮತ್ತು ಆರ್ಥರೀಟೀಸ್ ಶಮನ ಮಾಡುವ ಅಕ್ಯೂ ಪ್ರೆಶರ್ ಚಪ್ಪಲಿಗಳು ನಿಜಕ್ಕೂ ಉಪಯುಕ್ತ.
  ಇವತ್ತು ಮಗ ಆರ್ಡರ್ ಮಾಡಿದ ಹೊಸ ರೂಪದ ಮತ್ತು ವಿಬಿನ್ನ ಬಣ್ಣದ ಅಕ್ಯೂಪ್ರೆಷರ್ ಹವಾಯಿ ಚಪ್ಪಲಿ ಅಮೇಜಾನ್ ನನಗೆ ತಲುಪಿಸಿದೆ.
Labels:

Comments

Post a Comment

Popular posts from this blog

# ಜುಟ್ಟು ಕಾಳಿಂಗ ಸಪ೯ದ ಆಸ್ತಿತ್ವದ ಮಲೆನಾಡಿನ ಮಿಥ್ಯೆ#

  # ಕಾಳಿ೦ಗ ಸಪ೯ದಲ್ಲಿ ಜುಟ್ಟು ಕಾಳಿಂಗ ಸಪ೯ ಅಂತ ಇದೇ ಅನ್ನುವ ಯಾರು ನೋಡದ ಸಪ೯ದ ಅಸ್ತಿತ್ವ#    ಮಲೆನಾಡಿನ ಹಳ್ಳಿಗಳಲ್ಲಿ, ಅದು ಕಾಳಿ೦ಗ ಸಪ೯ದ ವಾಸಸ್ಥಳದ ಪರಿಸರದಲ್ಲಿ ಜುಟ್ಟು ಕಾಳಿಂಗ ಸಪ೯ ಇದೆ ಅನ್ನುವ ಮಾತು ಆಗಾಗ್ಗೆ ಕೇಳುತ್ತಿರುತ್ತೇವೆ. ಆದರೆ ಆ ರೀತಿಯ ಹಾವು ಇಲ್ಲ ಎಂದು ಹಾವಿನ ಬಗ್ಗೆ ಸಂಶೋದನೆ ಮಾಡುವವರು, ಅರಣ್ಯ ಇಲಾಖೆಯವರು, ಹಾವು ಹಿಡಿಯುವವರು ಖಡಾಖಂಡಿತವಾಗಿ ಹೇಳುತ್ತಾರಾದರು, ಈ ವದಂತಿ ಹೇಗೆ ಹರಡಿದೆ?.    ಇದು ಒಂದು ಊರು ಹಳ್ಳಿಯಲ್ಲ ನಾನು ನೋಡಿದಂತೆ ಮಹಾರಾಷ್ಟ್ರದ ರತ್ನಗಿರಿಯಿ೦ದ ಕೇರಳದ ಕಾಸರಗೋಡಿನ ತನಕ ಜುಟ್ಟು ಕಾಳಿಂಗದ ಅನೇಕ ರೋಚಕ ಕಥೆ ಕೇಳಿದ್ದೇನೆ.   ಪ್ರತ್ಯಕ್ಷ ನೋಡಿದವರು ತಾವು ಎನ್ನುವ ಅನೇಕರಲ್ಲಿ ಮಾತಾಡಿದ್ದೇನೆ ಆದರೆ ಅದು ನಂಬಲಹ೯ ಮಾಹಿತಿ ಅನಿಸಲಿಲ್ಲ, ಒಂದು ರೀತಿ ಕಾಲ್ಪನಿಕ ತ್ರಿಲ್ಲರ್ ಕಥೆ ಅಷ್ಟೇ ಅನ್ನಬಹುದು.    ಜಡೆ ಕಾಳಿಂಗ ಸಪ೯ಕ್ಕೆ ರೋಷ ಜಾಸ್ತಿ, ಹೆಡೆ ಮೇಲೆ ಕೂದಲಿನ ಜುಟ್ಟು ಇರುತ್ತೆ, ಮನುಷ್ಯರನ್ನ ಕಂಡರೆ ಓಡಿಸಿಕೊಂಡು ಬರುತ್ತೆ, ಅದರಿಂದ ತಪ್ಪಿಸಿಕೊಳ್ಳಲು ಒಂದೇ ದಾರಿ ಅದೇನೆಂದರೆ ತಗ್ಗಿನ ಪ್ರದೇಶದಲ್ಲಿ ಓಡುವುದು.     ಯಾಕೆ೦ದರೆ ಓಡಿಸಿಕೊಂಡು ಬರುವ ಜುಟ್ಟು ಕಾಳಿಂಗದ ಜುಟ್ಟು, ಇಳಿಜಾರಿನಲ್ಲಿ ಅದರ ತಲೆಯಿ೦ದ ಇಳಿಜಾರಿಗೆ ಸರಿಯುವುದರಿಂದ  ಕಣ್ಣಿನ ಮೇಲೆ ಕೂದಲ ಜುಟ್ಟು ಮುಚ್ಚುವುದರಿಂದ ಕಣ್ಣು ಕಾಣುವುದಿಲ್ಲ, ಆಗಲೇ ತಪ್...
Post a Comment
Read more

Blog number 1037. ರಾಜಕುಮಾರಿ ಶಾಂತವ್ವ ಮತ್ತು ದಲಿತ ಯುವಕ ಸಿದ್ದೇಶ್ವರರ ಅಮರ ಪ್ರೇಮದ ಸ್ಮಾರಕ, ಅನ್ಯ ಜಾತಿ ವಿವಾಹವಾದ್ದರಿಂದ ರಾಜಕುಮಾರಿಗೆ ಸೂಳೆ ಪಟ್ಟ ನೀಡಿದ ಸಮಾಜ. ಸಮಾಜದ ಒಳಿತಿಗಾಗಿ ಶಾಂತವ್ವ ಕಟ್ಟಿಸಿದ ಬೃಹತ್ ಕೆರೆಗೆ ಜನ ಕರೆದದ್ದು ಸೂಳೆ ಕಟ್ಟಿಸಿದ ಕೆರೆ ಅದೇ ಸೂಳೆಕೆರೆ / ಶಾಂತಿ ಸಾಗರ

# ಸೂಳೆಕೆರೆ (ಶಾಂತಿ ಸಾಗರ) ಅಂತರ್ ಜಾತಿ ಪ್ರೇಮ ವಿವಾಹದ ದುರOತ ಕಥೆ. #ಅಕ್ಟೋಬರ್ 2019 ರಲ್ಲಿ ತುಂಬಿ ತುಳುಕಿತ್ತು.  ಚಿತ್ರದುಗ೯, ದಾವಣಗೆರೆ ಬಳ್ಳಾರಿ ಮುಂತಾದ ಮಳೆ ಕಡಿಮೆ ಆಗುತ್ತಿದ್ದ ಜಿಲ್ಲೆಗಳಲ್ಲಿ ಅದೂ ಅಕ್ಟೋಬರ್ ತಿಂಗಳ 2019 ರಲ್ಲಿ  ಬಂದಿದ್ದ ಬಾರಿ ಮಳೆ ಎಲ್ಲಾ ಕೆರೆ, ಹೊಂಡಗಳು ತುಂಬಿ ತುಳುಕಿದೆ, ಸಾಮಾಜಿಕ ಜಾಲ ತಾಣದಲ್ಲಿ 40 ವಷ೯ದಲ್ಲಿ ಇಂತ ಮಳೆ ಬಂದಿಲ್ಲ ಅಂತ ಸುದ್ದಿ ಹರಿದಾಡುತ್ತಿತ್ತು ಮತ್ತು  ಸೂಳೆಕೆರೆ ತುಂಬಿ ಕೋಡಿ ಬಿದ್ದಿದೆ ಅಂತೆಲ್ಲ Post ನೋಡಿ ಬೆಂಗಳೂರಿಂದ ಬರುವಾಗ ಚಿತ್ರದುಗ೯ ಮಾಗ೯ವಾಗಿ ಚನ್ನಗಿರಿ ತಲುಪಿ ಸೂಳೆಕೆರೆ ನೋಡಲು ಹೋಗಿದ್ದೆ.  11ನೇ ಶತಮಾನದಲ್ಲಿ (1128ರಲ್ಲಿ)ಕೇವಲ 3 ವಷ೯ದಲ್ಲಿ ಈ ಕೆರೆ ನಿಮಾ೯ಣ ಮಾಡಿಸಿದ್ದು ಶಾಂತವ್ವ ಎಂಬ ರಾಜ ಕುಮಾರಿ ಅವಳು ಸ್ವಣ೯ವತಿ ಪಟ್ಟಣದ ದೊರೆ ವಿಕ್ರಮ ರಾಜನ ಮಗಳು, ಸಿದ್ದೇಶ್ವರ ಎಂಬ ಅನ್ಯ ಜಾತಿಯ ಯುವಕನೊ೦ದಿಗೆ ಗಾಂದವ೯ ವಿವಾಹ ಆಗುತ್ತಾಳೆ ಇದನ್ನ ಸಹಿಸದ ಮತ್ತು ಒಪ್ಪದ ಜನತೆ ಸೂಳೆ ಎಂದು ಮೂದಲಿಸುತ್ತಾರOತೆ ಈ ರೀತಿ ತನಗೆ ಬಂದ ಕಳಂಕ ಕಳೆಯಲು ಈ ಬೃಹತ್ ಕೆರೆ ತನ್ನ ಪತಿ ಸಿದ್ದೇಶ್ವರನ ಜೊತೆ ಸೇರಿ ನಿಮಿ೯ಸಿ ಕೆರೆಗೆ ಹಾರವಾದಳೆoಬ ಇತಿಹಾಸ ಇದೆ ಇದರಿಂದ ನೊಂದ ಪತಿ ಸಿದ್ಧೇಶ್ವರ ಕೂಡ ಎದುರಿನ ಗುಡ್ಡದಲ್ಲಿ ಜೀವ ತ್ಯಾಗ ಮಾಡುತ್ತಾನೆ ಈಗ ಅಲ್ಲಿ ಸಿದ್ದೇಶ್ವರ ದೇವಸ್ಥಾನವಿದೆ.   ಈ ಕೆರೆ ಈಗಲೂ ಸೂ...
Post a Comment
Read more

ಶ್ರೀಧರ ಸ್ವಾಮಿ ವರದಳ್ಳಿ ಪವಾಡ ಪುರುಷರು.

   ಶಿವಮೊಗ್ಗ ಜಿಲ್ಲೆ ಸಾಗರ ತಾಲ್ಲೂಕಿನ ವರದಳ್ಳಿಯ ತಪಸ್ವಿ ಶ್ರೀಧರ ಸ್ವಾಮಿಗಳು.   ವರದಳ್ಳಿ ಶ್ರೀಧರ ಸ್ವಾಮಿಗಳ ಬಗ್ಗೆ ಕೇಳಿದ್ದು, ಓದಿದ್ದು ಮತ್ತು ಅವರ ಒಡನಾಡಿಗಳನ್ನ ಭೇಟಿ ಮಾಡಿದ್ದು ಬಿಟ್ಟರೆ ಅವರನ್ನ ಪ್ರತ್ಯಕ್ಷವಾಗಿ ನೋಡಿಲ್ಲ.     ನಾವು ಚಿಕ್ಕವರಿದ್ದಾಗ ಪ್ರಾಥಮಿಕ ಶಾಲೆಯಲ್ಲಿ ವ್ಯಾಸಂಗ ಮಾಡುವಾಗ ಆಗಿನ ಕಾಲದ ಖ್ಯಾತ ಚಲನಚಿತ್ರ ನಟ ಉದಯ ಕುಮಾರ್ ಅರಳಿ ಮರದ ಗ್ಯಾರೇಜ್ ಹತ್ತಿರ ಬಂದಿದ್ದಾರೆ ಅಂತ ಊರಿನ ಜನರೆಲ್ಲ ಗುಂಪು ಗುಂಪಾಗಿ ಓಡುತ್ತಿದ್ದರು, ನಾವು ಚಿಕ್ಕ ಮಕ್ಕಳೆಲ್ಲ ಅವರನ್ನ ಹಿಂಬಾಲಿಸಿದೆವು.       ಅಲ್ಲಿ ಒಂದು ಬಿಳಿ ಅಂಬಾಸಡರ್ ಕಾರು ನಿಂತಿದ್ದು ಅದರ ಅಡಿಯಲ್ಲಿ ಮಲಗಿ ಮೆಕ್ಯಾನಿಕ್ ದುರಸ್ತಿ ಮಾಡುತ್ತಿದ್ದರೆ ಎತ್ತರದ ಮಣ್ಣು ದಿಬ್ಬದ ಮೇಲೆ ನಮ್ಮ ನಟ ಉದಯ ಕುಮಾರ್ ಸಿಗರೇಟು ಸೇದಿ ಹೊಗೆ ಬಿಡುತ್ತಿದ್ದರು. ಯಾರೂ ಅವರ ಹತ್ತಿರ ಮಾತಾಡುವ ದೈಯ೯ ವಹಿಸಲಿಲ್ಲ ಆದರೆ ನೆರೆದ ಜನ ಮಾತಾಡಿಕೊಳ್ಳುತ್ತಿದ್ದ ಮಾತಿನ ಸಾರಾಂಶವೆಂದರೆ ವರದಳ್ಳಿಯಲ್ಲಿ ತಪಸ್ಸು ಮಾಡುತ್ತಿದ್ದ ಶ್ರೀಧರ ಸ್ವಾಮಿಗಳು ದೇಹತ್ಯಾಗ ಮಾಡಿದ್ದಾರೆ ಅದನ್ನ ಕೇಳಿ ಅವರ ಭಕ್ತ ಮತ್ತು ಶಿಷ್ಯರಾದ ಖ್ಯಾತ ಚಿತ್ರ ನಟ ಉದಯ ಕುಮಾರ್ ಬರುವಾಗ ಕಾರು ಹಾಳಾಗಿ ದುರಸ್ತಿಗಾಗಿ ನಿಂತಿದ್ದಾರೆ, ದುಃಖದಲ್ಲಿ ಇರೋದರಿಂದ ಆ ರೀತಿ ಸಿಗರೇಟು ಸೇದಿ ಬೂದಿ ಮಾಡುತ್ತಿದ್ದಾರೆ ಅವರ ಹತ್ತಿರ ಯಾರೂ ಮಾತಾಡ ಬೇಡಿ ಅಂತ ...
1 comment
Read more