Blog number 1797. ಮುಂಬೈನ ಪ್ರತಿಷ್ಠಿತ ಕನ್ನಡ ಕಲಾ ಕೇಂದ್ರದ ಸತತ ಎರಡನೆ ಅವದಿ ಅಧ್ಯಕ್ಷರಾಗಿ ಯಶಸ್ವಿಯಾಗಿ 64ನೇ ಕನ್ನಡ ನಾಟಕೋತ್ಸವ ನಡೆಸುತ್ತಿರುವ ಟಿ.ಆರ್.ಮದುಸೂದನ್ ಶಿವಮೊಗ್ಗ ಜಿಲ್ಲೆಯ ಸಾಗರ ಪಟ್ಟಣದವರೆಂಬುದೇ ನಮಗೆಲ್ಲ ಹೆಮ್ಮೆಯ ವಿಷಯ.

#ಮುಂಬೈನ_ಪ್ರತಿಷ್ಟಿತ_ಕನ್ನಡ_ಕಲಾ_ಕೇಂದ್ರದ_ಅಧ್ಯಕ್ಷರು_ಸಾಗರದ_ಟಿಆರ್_ಮದುಸೂದನ್

#ಕನ್ನಡ_ಕಲಾ_ಕೇಂದ್ರ_ಅಸ್ತಿತ್ವಕ್ಕೆ_ಬಂದಿದ್ದು_1954ರಲ್ಲಿ

#ಮೊದಲ_ನಾಟಕೋತ್ಸವ_ಪ್ರಾರಂಭ_ಆಗಿದ್ದು_1964ರಲ್ಲಿ

#ಈ_ವರ್ಷದ_ನಾಟಕೋತ್ಸವ_64ನೇ_ವರ್ಷದ್ದು.

#ಈ_ವರ್ಷದ_ಕರ್ನಾಟಕ_ಸುವರ್ಣ_ಮಹೋತ್ಸವದಲ್ಲಿ_ಮುಂಬೈನ_ಕನ್ನಡ_ಕಲಾ_ಕೇಂದ್ರಕ್ಕೆ_ಮತ್ತು_ಅಧ್ಯಕ್ಷ_ಮದುಸೂದನರಿಗೆ

#ರಾಜ್ಯೋತ್ಸವ_ಪ್ರಶಸ್ತಿ_ರಾಜ್ಯ_ಸರ್ಕಾರ_ಘೋಷಿಸಬೇಕು.

   ಮುಂಬೈ ಕನ್ನಡ ಕಲಾ ಕೇಂದ್ರದ ಬಗ್ಗೆ ವಿಸ್ತಾರವಾಗಿ ಇರುವ ಮಾಹಿತಿ ದಯಾನಂದ ಸಾಲ್ಯಾನರು #ವಾರ್ತಾಭಾರತಿ ದಿನಪತ್ರಿಕೆಯ ಮುಂಬೈ ಸ್ವಗತ ಕಾಲಂನಲ್ಲಿದೆ ಈ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಓದಬಹುದು 

https://www.varthabharati.in/article/2021_06_25/296195.

   ಇಂತಹ ಪ್ರತಿಷ್ಟಿತ ಕನ್ನಡ ಕಲಾ ಕೇಂದ್ರದ ಅಧ್ಯಕ್ಷರಾಗಿ ಎರಡನೆ ಅವಧಿಯ ಆಡಳಿತ ನಡೆಸುತ್ತಿರುವ ಟಿ.ಆರ್. ಮದುಸೂದನ್ ಇವರ ಇನ್ಷಿಯಲ್ ಟಿ ಆರ್ ಅಂದರೆ ತೀರ್ಥಹಳ್ಳಿ ರಾಮಕೃಷ್ಣ ಇವರ ತಂದೆ ಇವರೂ ಕಲಾವಿದರು ಸಾಗರದ ಮುನ್ಸಿಪಲ್ ಸಂಸ್ಥೆ ಉದ್ಯೋಗಿ ಆಗಿದ್ದರೂ ಪ್ರತಿ ವರ್ಷ ನವರಾತ್ರಿಯಲ್ಲಿ ತೀರ್ಥಹಳ್ಳಿಯಲ್ಲಿ ಹುಲಿ ವೇಶ ಸೇವೆ ತಪ್ಪಿಸಿದವರಲ್ಲ, ಸಾಗರದ ಮುನ್ಸಿಪಲ್ ಕಛೇರಿಯ ನೌಕರರಿಗೆ ಸದಾ ಸಹಕಾರ ಸಹಾಯ ನೀಡಿ ಜನಪ್ರಿಯರಾಗಿದ್ದರು.

   ಇವರ ಪುತ್ರ ಟಿ.ಆರ್. ಮದುಸೂದನ್ ಸವಿಸಿದ ಜೀವನದ ಹಾದಿ ಕಲ್ಲು ಮುಳ್ಳಿನದ್ದು, ಭದ್ರಾವತಿಯಲ್ಲಿ ಸಿವಿಲ್ ಇಂಜಿನಿಯರಿಂಗ್ ಡಿಪ್ಲೋಮ ಉನ್ನತ ಶ್ರೇಣಿಯಲ್ಲಿ ಮುಗಿಸಿ ಪ್ರತಿಷ್ಟಿತ ಮಣಿಪಾಲ್ ಸಂಸ್ಥೆಯಲ್ಲಿ ಉದ್ಯೋಗ ಮಾಡಿ ನಂತರ ಮುಂಬೈ ಟಾಟಾ ಕಂಪೆನಿಯಲ್ಲಿ ಉದ್ಯೋಗ ಮಾಡಿ ಈಗ ಸ್ವತಂತ್ರವಾಗಿ ಇದರದ್ದೇ ಖಾಸಾಗಿ ಬಿಲ್ಡರ್ ಸಂಸ್ಥೆ ಸ್ಥಾಪಿಸಿ ಮುಂಬೈನಲ್ಲಿ ಪ್ರಸಿಧ್ಧಿ ಪಡೆದಿದ್ದಾರೆ.

  ಕೌಟುಂಬಿಕವಾಗಿ ಮತ್ತು ಸಾಮಾಜಿಕವಾಗಿ ಮದುಸೂದನ್ ಬಂಗಾರದ ಮನುಷ್ಯ ಚಲನಚಿತ್ರದ ಡಾಕ್ಟರ್ ರಾಜ್ ಕುಮಾರ್ ಇದ್ದಂತೆ ಅವರ ಜೀವನ.

 ಸಾಗರದ ಉಡುಪಿ ಮೆಡಿಕಲ್ಸ್ ನ ಚಂದ್ರು ಅವರ ತಂದೆ ವರದಾ ಬಸ್ಸಿನ ಮಾಲಿಕರಾದ ನಾಗಪ್ಪಣ್ಣ ಮತ್ತು ಮದುಸೂದನರ ತಂದೆ ರಾಮಕೃಷ್ಣಣ್ಣ ಕಸಿನ್ ಬ್ರದರ್ಸ್.

   ಇವರು ಯಶಸ್ವಿಯಾಗಿ ಒಂದು ಅವಧಿಯ ಮುಂಬೈನ ಪ್ರತಿಷ್ಟಿತ ಕನ್ನಡ ಕಲಾ ಕೇಂದ್ರದ ಅಧ್ಯಕ್ಷರಾಗಿ ಈಗ ಎರಡನೆ ಅವಧಿಗೆ ಅಧ್ಯಕ್ಷರಾಗಿ ಮುಂದುವರಿದಿದ್ದಾರೆ ಅಂದರೆ ಅರ್ಥವಾದೀತು ಅವರ ಸಾಧನೆ.

  1954 ರಲ್ಲಿ ಅಸ್ತಿತ್ವಕ್ಕೆ ಬಂದ ಮುಂಬೈ ಕನ್ನಡ ಕಲಾ ಕೇಂದ್ರ ಭಾಷಾವಾರು ಪ್ರಾಂತ್ಯ ವಿಂಗಡನೆ ಕಾಲದಲ್ಲಿ ಮುಂಬೈ ಸರ್ಕಾರ ಈ ಕನ್ನಡ ಕಲಾ ಕೇಂದ್ರದಲ್ಲಿ ಕನ್ನಡ ನಾಟಕ ಪ್ರದರ್ಶನ - ನಾಟಕೋತ್ಸವ ನಿಷೇದ ಮಾಡಿತ್ತು.

  1964 ರಲ್ಲಿ ಈ ಸಂಘಟನೆ ಸರ್ಕಾರದ ನೀತಿಗೆ ಸೆಡ್ಡು ಹೊಡೆದು ಮೊದಲ ನಾಟಕೋತ್ಸವ 12 - ಡಿಸೆಂಬರ್ -1964 ರಿಂದ 26 - ಡಿಸೆಂಬರ್ -1964 ರವರೆಗೆ ಯಶಸ್ವಿಯಾಗಿ ನಡೆಸಿತು, ಈ ಸಂಘಟನೆ ಅತಿರಥ ಮಹಾರಥರಾದ ಕನ್ನಡಿಗರು ಮುನ್ನಡೆಸಿದ್ದಾರೆ ಇಲ್ಲಿ ಜಾತಿ ಅಂತಸ್ತುಗಳಿಲ್ಲದೆ ನಮ್ಮ ಮಾತೃ ಭಾಷೆ ಕನ್ನಡದಿಂದ ಒಂದಾದ ಸಂಸ್ಥೆ ಆಗಿದೆ.

 ಈ ವರ್ಷದ ನಾಟಕೋತ್ಸವ 64 ನೆಯದ್ದು ಇದರ ಅಧ್ಯಕ್ಷರು ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲೂಕಿನ ಸಾಗರ ಪಟ್ಟಣದ ಟಿ.ಆರ್. ಮದುಸೂದನ್ ಎಂಬುದು ಹೆಮ್ಮೆಯ ಸಂಗತಿ ಆಗಿದೆ.

  ಈ ವರ್ಷ ಕರ್ನಾಟಕ ನಾಮಕರಣಕ್ಕೆ 50 ನೇ ವಾರ್ಷಿಕೋತ್ಸವ, 1972 ರಲ್ಲಿ ಕರ್ನಾಟಕ ನಾಮಕರಣದ ಫಲಕ ವಿಧಾನ ಸೌದದ ಎದರು ಅನಾವರಣ ಮಾಡಿದವರು ಆಗಿನ ಮುಖ್ಯಮಂತ್ರಿ ದೇವರಾಜ ಅರಸರು ಮತ್ತು ನಮ್ಮ ಆನಂದಪುರ೦ನವರೇ ಆದ ಆಗಿನ ವಿದ್ಯಾಮಂತ್ರಿ ಎ.ಆರ್. ಬದರಿನಾರಾಯಣ್ ಅಯ್ಯಂಗಾರ್.

   ಸುವರ್ಣ ಕರ್ನಾಟಕದ ಕನ್ನಡ ರಾಜ್ಯೋತ್ಸವದ ಸಂದರ್ಭದಲ್ಲಿ ದೇಶದ ವಾಣಿಜ್ಯ ರಾಜಧಾನಿ ಮುಂಬೈನ ಪ್ರತಿಷ್ಠಿತ ಕನ್ನಡ ಕಲಾ ಕೇಂದ್ರದ ಸಾಧನೆಗಾಗಿ ಈ ಕಲಾ ಕೇಂದ್ರಕ್ಕೆ ಮತ್ತು ಇದರ ಎರಡು ಅವಧಿಗೆ ಅಧ್ಯಕ್ಷರಾಗಿರುವ ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲೂಕಿನ ಸಾಗರ ಪಟ್ಟಣದ ಪ್ರತಿಭಾವಂತ ಕನ್ನಡಿನ ಟಿ.ಆರ್.ಮದುಸೂದನ್ ಅವರಿಗೆ ಕರ್ನಾಟಕ ರಾಜ್ಯ ಸರ್ಕಾರ ನೀಡುವ ರಾಜ್ಯೋತ್ಸವ ಪ್ರಶಸ್ತಿ ನೀಡಿ ಗೌರವಿಸಲಿ ಎಂದು ವಿನಂತಿಸುತ್ತೇನೆ.