Blog number 838. ಕೆ.ಟಿ.ಗಟ್ಟಿಯವರ ಕಾದಂಬರಿ ಕಾಮು೯ಗಿಲು ಗೆ ಪ್ರೇರಣೆ ಆದದ್ದು ಶಿವಮೊಗ್ಗ ಜಿಲ್ಲೆಯ ಹೊಸನಗರದ ಮಠದ ವ್ಯಾಪ್ತಿಯ ಅಂತರ್ದಮಿ೯ಯ ಪ್ರೇಮ ಕಥೆ, ಕೋಣಂದೂರು ವೆಂಕಪ್ಪ ಗೌಡರು ತಮ್ಮ ಅಳಿಯನನ್ನು ಹೀರೋ ಮಾಡಿ ಸಿನಿಮಾ ಮಾಡಿದರು, ನಾನು ಈ ನಿಜ ಕಥೆಯ ನಿಜ ಹೀರೋ ಅವರಿಗೆ ಬೇಟಿ ಮಾಡಿಸಿದ್ದ ಈ ಘಟನೆ !?
#ಕೆ_ಟಿ_ಗಟ್ಟಿಯವರ_ಕಾದಂಬರಿ_ಕಾರ್ಮುಗಿಲು
#ಇದು_ಮಲೆನಾಡಿನ_ಸತ್ಯಘಟನೆ_ಆದಾರಿತ_ಕಾದಂಬರಿ
#ಸತ್ಯಘಟನೆ_ಆ_ಕಾಲದಲ್ಲಿ_ಪ್ರಜಾವಾಣಿಯಲ್ಲಿ_ಪ್ರಕಟವಾಗಿ_ಸೆನ್ಸೇಷನಲ್_ನ್ಯೂಸ್_ಆಗಿತ್ತು.
#ಈ_ಘಟನೆಯ_ನಿಜ_ಹೀರೋ_ಸಿನಿಮಾ_ನಿರ್ಮಾಪಕರಿಗೆ_ಬೇಟಿ_ಮಾಡಿಸಿದ್ದೆ.
ಇವರಿಂದಲೇ ನಮ್ಮ ಗುರುಗಳಾದ ಕಾಗೋಡು ಹೋರಾಟದ ನೇತಾರ ಗಣಪತಿಯಪ್ಪ ಆತ್ಮಚರಿತ್ರೆ ಕೋಣಂದೂರು ವೆ೦ಕಪ್ಪ ಗೌಡರಿಂದ ಬರೆಸಿ ಪ್ರಕಟಿಸಿದ್ದರಿಂದ ನನ್ನ ಮತ್ತು ಕೋಣಂದೂರು ವೆಂಕಪ್ಪ ಗೌಡರ ಆತ್ಮೀಯತೆ ಹೆಚ್ಚಾಯಿತು.
ಬೆಂಗಳೂರಿಂದ ಶಿವಮೊಗ್ಗಕ್ಕೆ ಅಥವ ಅವರ ಹುಟ್ಟೂರು ಕೊಣಂದೂರಿಗೆ ಬರುವಾಗ ಆನಂದಪುರಂನ ನನ್ನ ಮನೆಗೆ ಅತಿಥಿ ಆಗಿ ಬಂದು ಉಳಿಯುವ ಸಲಿಗೆ ಅವರಿಗಿತ್ತು.
ಇವರ ಜೀವನದಲ್ಲಿ ಒಂದು ದುರ೦ತ ನಡೆಯುತ್ತದೆ ಶಾಂತವೇರಿ ಗೋಪಾಲಗೌಡರು ವಿವಾಹ ಆದಾಗ ನೂತನ ದಂಪತಿಗಳಿಗೆ ಬೆಂಗಳೂರಿನ ಇವರ ಮನೆಯಲ್ಲಿ ಔತಣ ಕೂಟ ಇಡುತ್ತಾರೆ, ಊಟದ ನಂತರ ಗೋಪಾಲಗೌಡರನ್ನು ಬಸ್ ನಿಲ್ದಾಣಕ್ಕೆ ಬಿಡಲು ಹೋದಾಗ ಮನೆಯಲ್ಲಿದ್ದ ಇವರ ಚಿಕ್ಕ ಗಂಡು ಮಗ ಬಿಸಿ ಜಾಮೂನ್ ಬಾಂಡಲಿ ಎಳೆದು ಇಡೀ ಸಕ್ಕರೆ ಪಾಕ ಮೈ ಮೇಲೆ ಸುರಿದು ಮೃತನಾದದ್ದು.
ಶಿವಮೊಗ್ಗದ ಪ್ರತಿಷ್ಟಿತ DVS ಕಾಲೇಜಿನಲ್ಲಿ ಉಪನ್ಯಾಸಕರಾಗಿದ್ದಾಗ ವಾರ್ಷಿಕೋತ್ಸವದಲ್ಲಿ ಭಗವದ್ಗೀತ ಪಟಣ ಮಾಡಲು ಮುಸ್ಲಿಂ ವಿದ್ಯಾರ್ಥಿಗೆ ಅವಕಾಶ ಕೊಟ್ಟರೆಂದು ಇವರನ್ನ ಉಪನ್ಯಾಸಕ ಹುದ್ದೆಯಿಂದ ತೆಗೆಯುತ್ತಾರೆ.
ಆ ಕಾಲದಲ್ಲೇ ತಮ್ಮ ವಿದ್ಯಾರ್ಥಿನಿಯನ್ನು ಪ್ರೇಮ ವಿವಾಹ ಆಗುತ್ತಾರೆ ಇವರ ವಿವಾಹಕ್ಕೆ ಸಹಾಯ ಮಾಡಿದವರು ಪಿ. ಪುಟ್ಟಯ್ಯನವರು.
ಇವರ ಪುತ್ರಿ ಖ್ಯಾತ ಭರತನಾಟ್ಯ ಕಲಾವಿದೆ, ಅಳಿಯ ಚಲನಚಿತ್ರ ನಟ ಮನೋಜ್ ಗಾಗಿ ವೆಂಕಪ್ಪ ಗೌಡರು ಕೆ.ಟಿ.ಗಟ್ಟಿಯವರು ಬರೆದ #ಕಾಮು೯ಗಿಲು ಕಾದಂಬರಿ ಸಿನಿಮಾ ಮಾಡಲು ಇಷ್ಟಪಟ್ಟರು ಇದಕ್ಕೆ ಮುಖ್ಯ ಕಾರಣ ಇದು ನಮ್ಮ ಜಿಲ್ಲೆಯ ಅಂತರ್ಜಾತಿ ಪ್ರೇಮ ಪ್ರಕರಣ.
ತೀರ್ಥಹಳ್ಳಿಯ #ರಾಮಚಂದ್ರಪುರ_ಮಠದ ಶಾಖಾ ಮಠದಲ್ಲಿ ಚಿತ್ರಿಕರಣದ ಮಹೂರ್ತ ಇಟ್ಟುಕೊಂಡಿದ್ದರು ಕಾಯ೯ಕ್ರಮಕ್ಕೆ ಆಹ್ವಾನಿಸಿದ್ದರು ಆದರೆ ಯಥಾ ಪ್ರಕಾರ ನಾನು ಗೈರಾಗಿದ್ದೆ.
ಮಹೂರ್ತ ಮುಗಿಸಿ ವೆಂಕಪ್ಪ ಗೌಡರು ನಮ್ಮ ಮನೆಗೆ ಬಂದಾಗ ಅವರು ಸಾಹಿತಿಯಿಂದ ಸಿನಿಮಾ ನಿರ್ಮಾಪಕರಾಗಿ ಬದಲಾಗಿದ್ದಕ್ಕಾಗಿ ಅವತ್ತಿನ ಚಳಿಯ ಬೆಳದಿಂಗಳ ರಾತ್ರಿ ಕ್ಯಾಂಪ್ ಪೈರ್ ನೊಂದಿಗೆ ಸಂತೋಷ ಕೂಟ ವ್ಯವಸ್ಥೆ ಮಾಡಿದ್ದೆ.
ತೀವ್ರ ಚಳಿಯ ಆ ದಿನ ಕ್ಯಾಂಪ್ ಪೈರ್ ನ ಬೆಚ್ಚಗಿನ ವಾತಾವರಣ ಗೌಡರಿಗೆ ಹಿತ ತಂದಿತ್ತು, ತಮ್ಮ ಚಲನ ಚಿತ್ರದ ಮಹೂರ್ತದ ಯಶಸ್ಸು, ಚೈನ್ ಸ್ಮೋಕಿಂಗ್ ಮತ್ತು ವಿಸ್ಕಿ ಅವರಿಗೆ ಜೋಷ್ ತಂದಿತ್ತು ಅವರು ಕಾರ್ಮುಗಿಲು ಕಾದ೦ಬರಿ ಬಗ್ಗೆ ಅದರ ವಸ್ತು, ಘಟನೆ ವಿವರಿಸುತ್ತಿದ್ದರು ನನ್ನ ಗೆಳೆಯರೆಲ್ಲ ಆಸಕ್ತಿಯಿಂದ ಆಲೈಸುತ್ತಿದ್ದರು.
ನಾನು ಹಳೆಯ ನೆನಪು ಯೋಚಿಸುತ್ತಾ ಮೌನವಾಗಿದ್ದೆ ಆಗ ವೆಂಕಪ್ಪ ಗೌಡರು ಏನು ಯೋಚಿಸುತ್ತಿದ್ದಿಯಾ ? ಅಂತ ಪ್ರಶ್ನಿಸಿದಾಗ ಹೇಳಿದೆ.
ಗೌಡರೆ, ನಾವೆಲ್ಲ ಪ್ರಾಥಮಿಕ ಶಿಕ್ಷಣ ಮಾಡುವ ಕಾಲದಲ್ಲಿ ನಮ್ಮ ಜಿಲ್ಲೆಯ ಹೊಸನಗರದ ಹವ್ಯಕರ ಮಠದಲ್ಲಿ ನಡೆದ ಘಟನೆ ಇದು, ವಿದವೆಯ ಪ್ರಾಯದ ಮಗಳ ಮೇಲೆ ಮಠದ ಪ್ರಮುಖರ ದುಷ್ಟ ಕಣ್ಣು ಬಿದ್ದಾಗ ಅವರ ವಿಷವರ್ತುಲದಲ್ಲಿ ಸಿಕ್ಕಿಬಿದ್ದ ವಿದವೆ ತಾಯಿ ಮಗಳನ್ನು ಕಾಪಾಡಲು ಅವಳನ್ನು ಪ್ರೀತಿಸುವ ಮಠದ ಕುದುರೆ ಪಾಲನೆ ಮಾಡುತ್ತಿದ್ದ ಮುಸ್ಲಿ೦ ಕುಟುಂಬದ ಎರಡನೇ ಪುತ್ರನೊಂದಿಗೆ ಪರಾರಿ ಆಗಲು ಪರೋಕ್ಷವಾಗಿ ಸಹಕರಿಸುತ್ತಾಳೆ.
ಯುವ ಪ್ರೇಮಿಗಳು ಸೈಕಲ್ ಮೇಲೆ ಹೊಸನಗರದಿಂದ ಸಾಗರಕ್ಕೆ ಬಾಡಿಗೆ ಸೈಕಲ್ ಮೇಲೆ ಹೋಗಿ ಸಾಗರದಿಂದ ರೈಲಿನಲ್ಲಿ ಮದ್ರಾಸ್ ಗೆ ಪರಾರಿ ಆಗುತ್ತಾರೆ, ಪ್ರಿಯತಮೆಗೂ ಪ್ಯಾಂಟ್ ಶರ್ಟ ಹಾಕಿದ್ದರಿಂದ ಯಾರಿಗೂ ಗೊತ್ತಾಗುವುದಿಲ್ಲ.
ಇದರಿಂದ ರೋಸಿ ಹೋದ ಮಠದ ಗ್ಯಾಂಗ್ ಸರ್ಕಾರದ ಉನ್ನತ ಪೋಲಿಸ್ ಅಧಿಕಾರಿಗಳಿಗೆ, ಮಂತ್ರಿಗಳಿಗೆ ಒತ್ತಡ ತರುತ್ತಾರೆ, ಪ್ರಜಾವಾಣಿಯಂತ ಆ ಕಾಲದ ಪ್ರಭಾವಿ ಮಾದ್ಯಮದಲ್ಲಿ ಸಣ್ಣ ಹಳ್ಳಿಯ ಪ್ರೇಮಿಗಳ ಕಥೆಯನ್ನು ರಾಜ್ಯದ ದೊಡ್ಡ ಸಮಸ್ಯೆ ಎಂಬಂತೆ ಬಿಂಬಿಸಿ ದಾರಾವಾಹಿಯಂತೆ ಸರಣಿ ವರದಿ ಮಾಡಿಸುತ್ತಾರೆ.
ಪೋಲಿಸರು ಮದ್ರಾಸಿನಲ್ಲಿ ಅಡಗಿದ್ದ ಪ್ರೇಮಿಗಳನ್ನ ಹಿಡಿದು ತಂದು ಈ ನೈಜ ಘಟನೆಯ ಹೀರೋನನ್ನು ಬಂದಿಸುತ್ತಾರೆ, ಪ್ರೇಮಕಥಾ ನಾಯಕಿಯನ್ನು ಬಲವಂತವಾಗಿ ಮಠದ ಕಾಮುಕ ಮುಂದಾಳುಗಳಿಗೆ ಒಪ್ಪಿಸುತ್ತಾರೆ, ಇದನ್ನೇ ಆದರಿಸಿ ಕೆ.ಟಿ.ಗಟ್ಟಿ ಕಾಮು೯ಗಿಲು ಕಾದಂಬರಿ ಬರಿಯುತ್ತಾರೆ ಪ್ರಜಾವಾಣಿ ದೀಪಾವಳಿ ಸಂಚಿಕೆಯ ಕಥಾ ಸ್ಪರ್ದೆಯಲ್ಲಿ ಪ್ರಥಮ ಬಹುಮಾನ ಬರುತ್ತದೆ ಮತ್ತು ಪ್ರಜಾವಾಣಿ ದಿನಪತ್ರಿಕೆಯಲ್ಲಿ ದಾರಾವಾಹಿ ಆಗಿ ಪ್ರಕಟ ಆಗುತ್ತದೆ ಅಂದಾಗ ಗೌಡರು ನೀನು ಹೇಳಿದ್ದು ಸರಿ ಅನ್ನುತ್ತಾರೆ.
ನಮ್ಮ ತಂದೆ ಮತ್ತು ಅವರ ಗೆಳೆಯರು ಇದನ್ನು ರಸವತ್ತಾಗಿ ಮಾತಾಡುತ್ತಿದ್ದದ್ದು ನಾನು ಗಮನಿಸುತ್ತಿದ್ದೆ, ಆಗ ಆನಂದಪುರಂ ನಲ್ಲಿ ಹುಚ್ಚಾಚಾರ್ ಎಂಬ ನಿವೃತ್ತ ಸೈನಿಕರು (ಬಾಂಗ್ಲಾ ಯುದ್ಧದಲ್ಲಿ ಕಾಲಿಗೆ ಗುಂಡು ಬಿದ್ದು ಕುಂಟುತ್ತಿದ್ದರು) ಪ್ರಜಾವಾಣಿ ಏಜೆಂಟರು ಅವಾಗ ಆನಂದಪುರಂಗೆ ಪ್ರಜಾವಾಣಿಯ 5 ಪ್ರತಿ ಬರುತ್ತಿತ್ತು.
ಗೌಡರ ಎಲ್ಲಾ ಪ್ರಶ್ನೆಗೆ ಸ್ವಲ್ಪ ಚಾರ್ಜ್ ಆಗಿದ್ದ ಹೀರೋ ಉತ್ತರಿಸಿದಾಗ ಗೌಡರು ಒಪ್ಪಿಕೊಂಡರು.
ನಮ್ಮ ಊರಿನ ಬಾಲ್ಯದಲ್ಲಿ ನಮ್ಮನ್ನೆಲ್ಲ ಎತ್ತಿ ಆಡಿಸಿದ ನಮ್ಮ ತಾಯಿಯ ಖಾಸಾ ಶಿಷ್ಯೇ ಬೀಬಕ್ಕನ ತಂಗಿ ಗಂಡನಾದ ಹಯಾತ್ ಸಾಬರೇ ಈ ಕಥಾನಾಯಕ ಆದರೆ ಅವರಿಗೆ ಅವರ ಜೀವನ ವೃತ್ತಾಂತವೇ ಸಿನಿಮಾ ಆಗಿದ್ದು ಗೊತ್ತಾಗಲಿಲ್ಲ ಅವರು ಅದನ್ನು ಸೀರಿಯಸ್ ಆಗಿ ತೆಗೆದುಕೊಳ್ಳಲಿಲ್ಲ.
ಅವರ ಕಿರಿಯ ಮಗ ಮತ್ತು ನನ್ನ ಗೆಳೆಯರು ಮಾತ್ರ ಇದರಿಂದ ಆಶ್ಚಯ೯ ಪಟ್ಟರು.
ಹೀಗೆ ಕೆ.ಟಿ.ಗಟ್ಟಿಯವರು ಬರೆದ ಕಾರ್ಮುಗಿಲು ಕಾದಂಬರಿ ಸಿನಿಮಾ ಆಯಿತು.
Comments
Post a Comment