3537. ಸೋಪಿನ ಕಥೆ

#ಸೋಪಿನ_ಪುರಾಣ

#ಶಿವಮೊಗ್ಗ_ಸಮೀಪದ_ನ್ಯಾಮತಿ_ತೀರ್ಥರಾಮೇಶ್ವರ_ಗುಡ್ಡದ_ಸವಳು

#ಶತಮಾನಗಳ_ಕಾಲ_ಈ_ಭಾಗದ_ಸೋಪು_ಆಗಿತ್ತು.

#ಸಾವಯವ_ಮಣ್ಣಿನ_ಸೋಪು

#197Oರ_ನಂತರ_ಹುಟ್ಟಿದವರಿಗೆ_ಗೊತ್ತೇ_ಇಲ್ಲದ_ಹಿಂದಿನ_ಸೋಪಿನ_ಪ್ರಪಂಚ

#ಶಿಲಾಯುಗದಲ್ಲೂ_ಜನ_ಸ್ನಾನಕ್ಕೆ_ಬಳಸುತ್ತಿದ್ದ_ಕ್ಷಾರಯುಕ್ತ_ಮಣ್ಣು.

#soap #detergent #bath #mud #deadsea #lifeboy #carbolicsoap 

    ಈಗೆಲ್ಲ ಅಮೆಜಾನ್ ನಿಂದ ಡೆಡ್ ಸೀ (ಮೃತ ಸಮುದ್ರದ) ಮಣ್ಣಿನ ಸೋಪು ನಮ್ಮ ಹಳ್ಳಿಗಳಲ್ಲೂ ಖರೀದಿಸುತ್ತಿದ್ದಾರೆ.

   ಕಾರಣ ಚಮ೯ ಕಾಂತಿ ಹೆಚ್ಚಿಸುತ್ತದೆ, ಮೃದು ಮಾಡುತ್ತದೆ, ಚರ್ಮದ ಟಾಕ್ಸಿನ್ ಕೊಳೆ ತೆಗೆಯುತ್ತದೆ, ಇದರಿಂದ ಪೇಶಿಯಲ್ ವಾಷ್ ಮಾಡುವುದರಿಂದ ಮುಖದ ಚರ್ಮ ಹೈಡ್ರೇಟ್ ಮಾಡುತ್ತದೆ ಅಂತ.

  ಲೈಫ್‌ಬಾಯ್ ಅನ್ನು 1895 ರಲ್ಲಿ ಯುನೈಟೆಡ್ ಕಿಂಗ್‌ಡಂನಲ್ಲಿ ಲಿವರ್ ಬ್ರದರ್ಸ್ ಪರಿಚಯಿಸಿದರು.

   ಮೂಲತಃ ಫೀನಾಲ್ ಹೊಂದಿರುವ ಕಾರ್ಬೋಲಿಕ್ ಸೋಪ್ ಆಗಿದ್ದ ಇದು ನಂತರ ಔಷಧೀಯ ಕಾರ್ಬೋಲಿಕ್ ವಾಸನೆಯಿಲ್ಲದೆ ವಿವಿಧ ಪ್ರಭೇದಗಳನ್ನು ಪರಿಚಯಿಸಲಾಯಿತು.

  1895 ರಲ್ಲಿ ಮುಂಬಾಯಿಯ ಹಾರ್ಬರ್ ಗೆ ಮೊದಲ ಲೈಫ್ ಬಾಯ್ ಸೋಪಿನ ಕಂಟೈನರ್ ಬಂದಿಳಿದ ದಾಖಲೆ ಇದೆ.

  1950 ರ ದಶಕದ ಉತ್ತರಾರ್ಧದಲ್ಲಿ ಹವಳದ ಬಣ್ಣದ ಲೈಫ್‌ಬಾಯ್ ಬಾರಿ ಪ್ರಸಿದ್ದಿ ಪಡೆದಿತ್ತು.

  ಲೈಫ್‌ಬಾಯ್ ಸುಮಾರು 1923 ರಿಂದ 50 ರ ದಶಕದ ಮಧ್ಯಭಾಗದವರೆಗೆ ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಅತ್ಯಂತ ಜನಪ್ರಿಯ ಸೋಪ್‌ಗಳಲ್ಲಿ ಒಂದಾಗಿತ್ತು.

    ಸೋಪು ಮಾರುಕಟ್ಟಿಗೆ ಬರುವ ಮುನ್ನ ಜನಗಳು ಆಯಾ ಅವರ ಪ್ರದೇಶದಲ್ಲಿ ಸಿಗುವ ಕ್ಷಾರದ ಮಣ್ಣು ಸೋಪಿನಂತೆ ಬಳಸುತ್ತಿದ್ದರು.

  ಕ್ಷಾರಯುಕ್ತ ಮಣ್ಣಿನ ಸ್ನಾನದ ಬಳಕೆ ಕ್ರಿಸ್ತ ಪೂರ್ವ 2800 ರಲ್ಲಿ ಇದ್ದಿತ್ತು ಎಂಬ ಸಂಶೋದನೆಯಲ್ಲಿ ಗೊತ್ತಾಗಿದೆ ಅಂತೆ.

    ಶೀಗೆ ಪುಡಿ, ಅಂಟುವಾಳಗಳನ್ನು ಬಳಕೆ ಮಾಡುವುದು ಕೂಡ ಈಗ ಕಡಿಮೆ.

  ಒಂದು ಕಾಲದಲ್ಲಿ ಅಂದರೆ ಸುಮಾರು 1965ರ ತನಕ ನಮ್ಮ ಭಾಗದಲ್ಲಿ ಹತ್ತಾರು ಕತ್ತೆ ಮೇಲೆ ಮತ್ತು ಎತ್ತಿನ ಗಾಡಿಗಳಲ್ಲಿ ಸವಳು ಮಣ್ಣಿನ ಮೂಟೆಗಳನ್ನ ತುಂಬಿಕೊಂಡು "ಸವಳು ಬೇಕಾ ಸವಳು" ಅಂತ ಸೋಪಿನ ಮಣ್ಣು ಮಾರಾಟಕ್ಕೆ ಬರುತ್ತಿದ್ದರು.

   ಆದರೆ 50 ವಷ೯ದಲ್ಲಿ ಎಂತಹ ಬದಲಾವಣೆ ಆಯಿತು ನೋಡಿ ಈಗ ಸೋಪು ಶಾಂಪುವಿನ ಕಾಲ.

  ಆ ಕಾಲದಲ್ಲಿ ಒಂದು ಸೇರು ಭತ್ತ ಅಥವ ರಾಗಿಗೆ 3 ಸೇರು ಸವಳು ಮಣ್ಣು ಮಾರಾಟ ಮಾಡುತ್ತಿದ್ದರಂತೆ.

  ಖರೀದಿಸಿದವರು ಅದನ್ನ ಸೋರುವ ಮಣ್ಣಿನ ಮಡಕೆಗಳಲ್ಲಿ (ಉಪಯೋಗಕ್ಕೆ ಬರದ ಮಡಕೆ) ಶೇಖರಿಸಿ ಇಡುತ್ತಿದ್ದರು.

    ಇದನ್ನ ಪಾತ್ರೆ ತೊಳೆಯಲು, ಸ್ನಾನಕ್ಕೆ ಮತ್ತು ಬಟ್ಟೆ ತೊಳೆಯಲು ಉಪಯೋಗಿಸುತ್ತಿದ್ದರು.

   ಇದರಲ್ಲಿ ನೊರೆ ಬರುತ್ತಿತ್ತು ಮತ್ತು ಮಣ್ಣಿನಲ್ಲಿನ ಸೂಕ್ಷ್ಮ ಮರಳು ಮನುಷ್ಯನ ಚಮ೯ದ ಮೇಲ್ಪದರದ ಕೊಳೆ ಬ್ರಷ್ ನಂತೆ ತೆಗೆಯುತ್ತಿತ್ತು.

  ಹೊನ್ನಾಳಿ ಮತ್ತು ನ್ಯಾಮತಿ ಮದ್ಯದ ಬೆಳಗುತ್ತಿಯ ತೀಥ೯ರಾಮೇಶ್ವರ ದೇವರ ಗುಡ್ಡ ಅನೇಕ ಶತಮಾನ ಈ ಸವಳು (ಸೋಪಿನ ಮಣ್ಣಿನ) ಗಣಿ ಆಗಿತ್ತು.

  ಮಂಡ್ಯದಲ್ಲೂ, ಚಿಕ್ಕಮಗಳೂರಿನಲ್ಲೂ ಈ ರೀತಿಯ ಮಣ್ಣಿನ ಗುಡ್ಡದಿಂದ ಸವಳು ಮಣ್ಣು ಮಾರಾಟ ಬಳಕೆ ಇತ್ತಂತೆ.

  ನಂತರ ಕಸ್ತೂರಿ, 50I ಬಾರ್ ಸೋಪು, ನಂದಿ, ವಿನಾಯಕ ಹೀಗೆ ಮುಂದುವರಿದು ವಾಷಿOಗ್ ಮೆಷಿನ್ ಜಗತ್ತಿನಲ್ಲಿ ಸೇರಿ ನಿರ್ಮಾ,ಸಪ್೯, ಅಕ್ಸೆಲ್ ವಾಷಿ೦ಗ್ ಪೌಡರ್ ವರೆಗೆ ನಾವು ಬಂದಿದ್ದೇವೆ.

 ಅದೇ ರೀತಿ ಸ್ನಾನದ ಸೋಪುಗಳು ಲೈಪ್ ಬಾಯ್ ನಿಂದ ಮೈಸೂರು ಸ್ಯಾ೦ಡೆಲ್ ವರೆಗೆ ಬದಲಾಗಿದ್ದೇವೆ, ಹಮಾಮ್, ಲಕ್ಸ್ ಇವೆಲ್ಲವೂ ಇದೆ.

  ಈಗ 100% ಸಾವಯವ ಸೋಪು ಅಂತ ಜ್ವಾಲಮುಖಿ ಮಣ್ಣಿನ ಸೋಪು, ಡೆಡ್ ಸೀ ಮಡ್ ಸೋಪು ಅ೦ತೆಲ್ಲ ಶ್ರೀಮಂತ ವಗ೯ದಲ್ಲಿ ಹೆಚ್ಚು ಪ್ರಚಲಿತವಾಗಿದೆ.

  ಕೇವಲ 50 ವಷ೯ದ ಹಿಂದೆ ಬಳಕೆಯಲ್ಲಿದ್ದ ನಮ್ಮ ಜಿಲ್ಲೆಯ ಸವಳು ಸೋಪಿನ ಮಣ್ಣು ಆದುನೀಕರಣದಲ್ಲಿ ಕಳೆದು ಹೋದರು ಈಗ ಅದು ದೂರದ ಜ್ವಾಲಾಮುಖಿ ಮಣ್ಣಿನ ಅಥವ ಡೆಡ್ ಸೀ ಮಣ್ಣಿನ ಸೋಪಿನ ರೂಪದಲ್ಲಿ ದುಬಾರಿ ಬೆಲೆಯಲ್ಲಿ ಪ್ರತ್ಯಕ್ಷ ಆಗಿದೆ.

  ಕಾಲ ಚಕ್ರ ಸದಾ ತಿರುಗುತ್ತಿದೆ ನೋಡಿ.