Blog number 2320. ಭಾಗ -1 ಅಡಿಕೆ ಬೆಳೆಗಾರರ ಸಮಾವೇಶ

#ಅಡಿಕೆ_ವಿಶೇಷ

#ಅಡಿಕೆ_ಬೆಳೆಗಾರರ_ಸಮಾವೇಶ

ಸಾಗರದಲ್ಲಿ ಇದೇ 8 ಡಿಸೆಂಬರ್ 2024 ರಂದು ನಡೆಯಲಿರುವ ಅಡಿಕೆ ಬೆಳೆಗಾರರ ಸಮಾವೇಶದ ಸಂದರ್ಭದಲ್ಲಿನ ಸರಣಿ ಲೇಖನಗಳ ಭಾಗ-1.

Campco ಅಡಿಕೆ ಬೆಳೆಗಾರರ ಹಿತ ಕಾಪಾಡುವ ಸಂಸ್ಥೆ ಆದರೆ...

ಕೆಂಪ್ಕೋ( Campco)ಮಾರುಕಟ್ಟೆಗೆ ಬಿಡುಗಡೆ ಮಾಡಿರುವ ಅದರ ಅಡಿಕೆ ಉತ್ಪನ್ನದ ಮೇಲೆ ಅಡಿಕೆ ಸೇವನೆ ಹಾನಿಕಾರಕ ಎಂದು ಬರೆದಿರುವುದು.

#arecanut #worldhealthorganization #WorldHealthOrganizationWHO #banareca #CancerPrevention #govtofindia #govtofkarnataka #BJPGovernment #BJP4IND 

#CongressParty #macOS #camco #ಅಡಿಕೆ #gutka 

#ಕುಮಾರ್_ಕುಂಟಿಕಾನ್_ಮಠ

ಅವರು ಯುಕೆಯ ಹ್ಯಾಂಪ್ ಶೈರನಿನ ಪ್ಲೀಟ್ ಟವನ್ ಮಾಜಿ ಕೌನ್ಸಿಲರ್

ಇವರ ತಂದೆ ಕುಂಟಿಕಾನಮಠ ಬಾಲಕೃಷ್ಣ ಭಟ್ಟರು ಬರೆದ ಶ್ರೀರಾಮ ಕಥಾಮಂಜರಿ ಮತ್ತು ಶ್ರೀಕೃಷ್ಣ ಕಥಾಮಂಜರಿ ಪ್ರಸಿದ್ಧ ಬೃಹತ್ ಗ್ರಂಥಗಳು.

ಅಡಿಕೆ ಬಗ್ಗೆ ಅವರು ಬರೆದ ಲೇಖನ ಓದಿ...

***    ***    ***     ***     ***    ***    ***

2014 ರಲ್ಲಿ ನಾವು ಲಂಡನ್ನಿನಲ್ಲಿ ಶ್ರೀ ಅರುಣ್ ಜೈಟ್ಲೇಯವರಿಗೆ ಅಡಿಕೆ ಮೇಲೆ ವಿಶ್ವ ಅರೋಗ್ಯ ಸಂಸ್ಥೆಯ ಅಂತರ್ಜಾಲದಲ್ಲಿ ಕಾನ್ಸರ್ ಕಾರಕ ಎಂಬ ಆಪಾದನೆ ಇದೆ ..ಇದು ಸುಮಾರು ರೂ ೪೦೦೦೦ ಕೋಟಿ ಮೌಲ್ಯ ಇರುವ ಅಡಿಕೆ ಬೆಳೆಗಾರರಿಗೆ ಹೊಡೆತ ಇದೆ ..ಇದನ್ನು ಇಲ್ಲವಾಗಿಸಲು ಒಂದು ಅಂತಾರಾಷ್ಟ್ರೀಯ ಕ್ಲಿನಿಕಲ್ ಟ್ರಯಲ್ ಮಾಡೋಣ ಎಂದು ಹೇಳಿದ್ದೆವು.

ಆಗ ಅವರು ನೀವು ಅಡಿಕೆಗೆ ಸಂಬಂಧ ಪಟ್ಟ ಒಂದು ಸಂಸ್ಥೆಯೊಂದಿಗೆ ಸಹಭಾಗಿತ್ವ ಮಾಡಿಕೊಂಡರೆ ಕೇಂದ್ರದಿಂದ ಕ್ಲಿನಿಕಲ್ ಟ್ರಯಲ್ ಗೆ ಆರ್ಥಿಕ ಸಹಕಾರವನ್ನು ಕೊಡಿಸುತ್ತೇನೆ ಎಂದು ಹೇಳಿದರು.

ಹಾಗೆ ನಾವು ಕೇಂದ್ರದ ಅಂದಿನ ರೈಲ್ವೆ ಮಂತ್ರಿ ಶ್ರೀ ಸದಾನಂದ ಗೌಡರನ್ನು ದೆಹಲಿಯಲ್ಲಿ ಭೇಟಿಯಾಗಿ ಅವರ ಕೈಯಿಂದ ಕಾಗದವನ್ನು ತೆಗೆದುಕೊಂಡು CAMPCO  ಸಂಸ್ಥೆಯ ಪದಾಧಿಕಾರಿಗಳನ್ನು ಭೇಟಿ ಮಾಡಿದ್ದೆವು.

ಸುಮಾರು ಒಂದು ವರುಷಗಳ ಕಾಲ ಹಲವು ಸುತ್ತಿನ ಮಾತು ಕಥೆ ನಡೆದರು ಕ್ಯಾಂಪ್ ಕೊದಿಂದ ಯಾವುದೇ ಸಕಾರಾತ್ಮಕವಾಗಿ ಸ್ಪಂದನೆ ಸಿಗಲಿಲ್ಲ,ಆಮೇಲೆ ಹಾಗೆಯೆ ಇದು ನೆನೆಗುದಿಗೆ ಬಿತ್ತು.

ಅಲ್ಲಿಂದ ನಂತರ ಯಾವುದೇ ಕ್ಲಿನಿಕಲ್ ಟ್ರಯಲ್ ಮಾಡಿ ಅಡಿಕೆ ಹಾನಿಕಾರಕವಲ್ಲ ಎಂದು ಇಲ್ಲಿಯವರೆಗೆ ಪ್ರೋವ್ ಯಾರು ಮಾಡಲಿಲ್ಲ 

ಇಲ್ಲಿ ಯೋಚಿಸಬೇಕಾದ್ದು ಎರಡು ವಿಚಾರ ಇದೆ.

ಕೆಂಪ್ಕೋ ಮಾರುಕಟ್ಟೆಗೆ ಬಿಡುಗಡೆ ಮಾಡಿರುವ ಅಡಿಕೆ ಉತ್ಪನ್ನದ ಮೇಲೆ ..ಅಡಿಕೆ ಸೇವನೆ ಹಾನಿಕಾರಕ ಎಂದು ಬರೆದಿರುವುದು.

ಇನ್ನು ಹೊಸ ಸ್ವಯಂಸೇವಕರ ಮೇಲೆ ಕ್ಲಿನಿಕಲ್ ಟ್ರಯಲ್ ಮಾಡಲು ಅಡಿಕೆಯಲ್ಲಿರುವ  ಅರೆಕೋಲಿನ್ ಎಂಬ ಹಾನಿಕಾರಕ ಅಂಶವಿರುವ ಕಾರಣ ರಿಸರ್ಚ್ ಎಥಿಕ್ಸ್ ಸಮಿತಿ ಸಂಶೋಧನೆ ಮಾಡಲು ಒಪ್ಪುವುದಿಲ್ಲಹಾಗಾಗಿ ಮತ್ತೊಂದು ಸಮಸ್ಯೆ.

ಹೀಗೆ ಮುಂದುವರಿಯುತ್ತಾ ಹೋದರೆ ಮುಂಬರುವ ದಿನಗಳಲ್ಲಿ ಇನ್ನು ಹೆಚ್ಚಿನ ನಿಯಂತ್ರಣ ಅಡಿಕೆ ಬೆಳೆಯ ಮೇಲೆ ಬರುತ್ತದೆ ಕಂಟ್ರೋಲ್ಡ್ ಡ್ರಗ್ಸ್ ಕೆಟಗರಿ ಯಲ್ಲಿ ಸೇರಿದರೆ ಅಡಿಕೆ ಬೆಳೆ ತನ್ನ ಕಮರ್ಷಿಯಲ್ ವ್ಯಾಲ್ಯೂ ಕಳೆದುಕೊಳ್ಳುತ್ತದೆ.

ಕೆಂಪ್ಕೋ ಸಂಸ್ಥೆಯ ಪದಾಧಿಕಾರಿಗಳು ಆತಂಕ ಬೇಡ ಅನ್ನುತ್ತಾರೆ,ಅಡಿಕೆ ಹಾನಿಕಾರಕ ಅಲ್ಲ ಅನ್ನುತ್ತಾರೆ.ಆದರೆ ತಾವೇ ಮಾರುಕಟ್ಟೆಗೆ ಬಿಟ್ಟಿರುವ ಅಡಿಕೆ ಉತ್ಪನ್ನದ ಮೇಲೆ ಹಾನಿಕಾರಕ ಎಂದು ಬರೆಯುತ್ತಾರೆ.

.ಭಾರತದ ಔಷಧ ನಿಯಂತ್ರಣ ಸಂಸ್ಥೆಗೆ ಅಡಿಕೆ ಹಾನಿಕಾರಕವಲ್ಲ ಎಂಬ ವಿಚಾರವನ್ನು ಮುಟ್ಟಿಸುವಲ್ಲಿ ವಿಫಲವಾಗಿರುವ ಇವರು ವಿಶ್ವ ಅರೋಗ್ಯ ಸಂಸ್ಥೆಗೆ ಹೇಗೆ ವಿಚಾರವನ್ನು ಮುಟ್ಟಿಸಬಹುದಾ? ಇದು ಅಡಿಕೆ ಬೆಳೆಗಾರ ಸಂಘಟನೆಗಳು ಯೋಚಿಸ ಬೇಕಾದ ಗಂಭೀರ ವಿಚಾರ.

  ಇತ್ತೀಚಿಗೆ ಪುನಃ ಸಂಶೋಧನೆ ಮಾಡುವ ಕುರಿತಾಗಿ ಸಹಕಾರವನ್ನು ನಾವು ಕೇಳಿದ್ದೇವೆ ಅದಕ್ಕೂ ನಕಾರಾತ್ಮಕವಾದ ಉತ್ತರ ಅಡಿಕೆ ಬೆಳೆಗಾರರ ಕುಟುಂಬದಿಂದ ಬಂದ,ಕಾಂಪ್ಕೋ ಸದಸ್ಯರ ಕುಟುಂಬದಿಂದ ಬಂದ ನಮಗೆ ಬೇಸರ ತಂದಿದೆ.

 ಕಡೆ ಪಕ್ಷ ನಿಮ್ಮ ಸಂಶೋಧನೆಗೆ ನಮ್ಮ ಬೆಂಬಲವಿದೆ ಆ ಕುರಿತಾಗಿ ಮಾತುಕತೆಗೆ ಬನ್ನಿ ಎಂದು ಕರೆಯ ಬೇಕಿತ್ತು.

ಏನೆ ಇರಲಿ ನಾವು ಅಡಿಕೆ ಬೆಳೆಗಾರರ ಹಿತ ದೃಷ್ಟಿಯಿಂದ ಸಂಶೋಧನೆಯನ್ನು ಮುಂದುವರಿಸುತ್ತೇವೆ ಅಡಿಕೆ ಬೆಳೆಗಾರರರು ,ಇತರ ಸಂಘ ಸಂಸ್ಥೆಗಳು  ಮತ್ತು ಸರಕಾರ ಬೆಂಬಲ ಕೊಡುತ್ತಾರೆಂಬ ಭರವಸೆ ಇದೆ 🙏🏼