ಒಂದು ಜಿಲ್ಲೆ ಒಂದು ಬೆಳೆ, ಕೇ೦ದ್ರ ಸರ್ಕಾರದ ಆತ್ಮ ನಿರ್ಬರ್ ಯೋಜನೆಯಲ್ಲಿ ಶಿವಮೊಗ್ಗ ಜಿಲ್ಲೆಗೆ ಅನಾನಸ್ ಬೆಳೆ ನಿಗದಿ ಮಾಡಿದೆ.

#ಒಂದು_ಜಿಲ್ಲೆ_ಒಂದು_ಬೆಳೆ_ಏನಿದು?

#ಈ_ಯೋಜನೆಯಲ್ಲಿ_ಶಿವಮೊಗ್ಗದ್ದು_ಅನಾನಸ್ 

#ಅನಾನಸ್_ಹಣ್ಣು_ಮತ್ತು_ಸಂಸ್ಕರಣೆ.

#ಬನವಾಸಿ_ರೋಪ್_ಸಾಹೇಬರು_ಮಾವಿನಗುಂಡಿ_ಐನಕೈ_ಅಶೋಕಹೆಗ್ಗಡೆ_ಮತ್ತಿಕೊಪ್ಪ_ಜಾನ್_ಪಾಸ್_ಜಯಪ್ರಕಾಶ್_ಹೆಗ್ಗಡೆ_ಅಗ್ರಗಣ್ಯರು.

 

ಪ್ರದಾನ ಮಂತ್ರಿ ನರೇಂದ್ರ ಮೋದಿಯವರ ಆತ್ಮ ನಿರ್ಬರ್ ಯೋಜನೆಯಲ್ಲಿ ದೇಶದ ಸುಮಾರು 728 ಜಿಲ್ಲೆಗಳಲ್ಲಿ ಒಂದು ಜಿಲ್ಲೆ ಒಂದು ಬೆಳೆ ಯೋಜನೆಯಲ್ಲಿ ಶೇಕಡಾ 35% ಸಹಾಯಧನ ಪ್ರೋತ್ಸಾಹದಲ್ಲಿ ಒ0ದೊಂದು ಬೆಳೆಯನ್ನು ಬೆಳೆಸಿ ಸಂಸ್ಕರಿಸಿ ಮಾರಾಟಕ್ಕೆ ಯೋಜನೆ ರೂಪಿಸಿದೆ.

  ಇದರಲ್ಲಿ ಶಿವಮೊಗ್ಗ ಜಿಲ್ಲೆಗೆ ಅನಾನಸ್ ಬೆಳೆ ನಿಗದಿ ಮಾಡಿದೆ,ಈಗ ಪ್ರಗತಿ ಪರ ಕೃಷಿ ಮಿತ್ರ ನಾಗೇಂದ್ರ ಸಾಗರ್ ದಂಪತಿಗಳಿಗೆ

ಕೃಷಿ ಇಲಾಖೆ ಆಸಕ್ತ ಸ್ವಯಂ ಉದ್ಯಮಿಗಳಿಗೆ ಅನಾನಸ್ ಹಣ್ಣು ಸಂಸ್ಕರಣ ಮತ್ತು ಮಾರಾಟ ತರಬೇತಿ ಹಾಗೂ ಇದಕ್ಕೆ ಬೇಕಾದ ಬ್ಯಾಂಕ್ ಸಾಲ ಯೋಜನೆ ಮಂಜೂರಾತಿಗೆ ತಯಾರು ಮಾಡುವ ಜವಾಬ್ದಾರಿ ನೀಡಿದೆ.

 ಮೊನ್ನೆ ಮೊದಲ ತರಬೇತಿಗೆ 70 ಮಹಿಳೆಯರೇ ಭಾಗವಹಿದ್ದರೆಂದು ಅವರು FB ಪೋಸ್ಟ್ ಮಾಡಿದ್ದಾರೆ.

 ಖುಷ್ಕಿ ಜಮೀನಲ್ಲಿ ಕಡಿಮೆ ನೀರಿನಲ್ಲಿ ಉಷ್ಣ ಪ್ರದೇಶದಲ್ಲಿ ಬೆಳೆಯುವ ಈ ಅನಾನಸ್ ಮೂಲ ದಕ್ಷಿಣ ಅಮೇರಿಕಾ, ಇದು ಭಾರತಕ್ಕೆ ಪೋರ್ಚುಗೀಸರಿಂದ 1548 ರಲ್ಲಿ ಅವರು ಇಂಡೋನೇಷಿಯದಿಂದ ತಂದ ಬಗ್ಗೆ ಮಾಹಿತಿ ಇದೆ.

   ಇದಕ್ಕೂ ಹಿಂದೆ ಕ್ರಿಸ್ತ ಪೂರ್ವದಲ್ಲಿ BC 322 - 185 ರಲ್ಲಿ ಮೌಯ೯ ಮತ್ತು ಚಂದ್ರ ಗುಪ್ತಾ ಕಾಲದಲ್ಲಿ ಈ ಹಣ್ಣಿನ ಉಲ್ಲೇಖ Ancient indian history and culture ನಲ್ಲಿದೆ ಎಂಬ ಮಾಹಿತಿಯೂ ಇದೆ.

  ಅನಾನಸ್ ಎಂದರೆ (Nanas) ಉತ್ಕೃಷ್ಟ ಹಣ್ಣು (Excellent Fruit) ಇದನ್ನು 1555 ರಲ್ಲಿ ಫ್ರೆಂಚ್ ಪಾದ್ರಿ ದಾಖಲಿಸಿದ್ದಾರೆ ನಂತರ ಇದಕ್ಕೆ ಅನಾನಸ್ ಹೆಸರು ಬರಲು ಕಾರಣ 17ನೇ ಶತಮಾನದಲ್ಲಿ ಯುರೋಪಿಗೆ ಈ ಹಣ್ಣು ಪರಿಚಯ ಆದಾಗ ಅಲ್ಲಿನ ಪೈನ್ ಮರದ ಕೋನ್ ಆಕೃತಿಯಲ್ಲಿ ಈ ಹಣ್ಣು ಹೋಲುತ್ತಿದ್ದರಿಂದ ಪೈನ್ - ಆಫಲ್ ನಂತರ ಪೈನಾಪಲ್ ಆಗಿದೆ ಅನ್ನುತ್ತದೆ ಮಾಹಿತಿ.

  ಹವಾಯಿ ದೇಶ ಅನಾನಸ್ ಅತಿ ಹೆಚ್ಚು ಬೆಳೆದು ಅಮೇರಿಕಾಕ್ಕೆ ರಪ್ತು ಮಾಡುತ್ತದೆ, 2016ರ ನಂತರ ಕೋಸ್ಟರೀಕಾ, ಬ್ರಿಜಿಲ್ ಮತ್ತು ಪಿಲಿಪೈನ್ಸ್ ಅತಿ ದೊಡ್ಡ ಪ್ರಮಾಣದ ರಪ್ತು ದೇಶವಾಗಿದೆ ಇದರಲ್ಲಿ ಅಗ್ರಸ್ಥಾನ ಈಗ ಕೋಸ್ಟರೀಕಾ ದೇಶದ್ದು.

  ಅಮೇರಿಕಾದಲ್ಲಿ ಪಿಜ್ಜಾದ ಮೇಲೆ ಅನಾನಸ್ ಸ್ಲೈಸ್ ಹಾಕಿದ ಪ್ರಯೋಗ ಅತ್ಯಂತ ಜನಪ್ರಿಯ ಆಗಿ ಈಗ ಪೈನಾಪಲ್ ಪಿಜ್ಜಾ ವಿಶ್ವದಾದ್ಯಂತ ಜನಪ್ರಿಯ ಆಗಿದೆ.

  ಭಾರತದಲ್ಲಿ ಅಸ್ಸಾಂ, ಪಶ್ಚಿಮ ಬಂಗಾಳ, ಕರ್ನಾಟಕ, ಮೇಘಾಲಯ, ಮಣಿಪುರ, ಅರುಣಾಚಲ ಪ್ರದೇಶ, ಕೇರಳ ಮತ್ತು ಬಿಹಾರದಲ್ಲಿ ಈ ಬೆಳೆ ಬೆಳೆಯುತ್ತಿದ್ದಾರೆ.

  ಕೆರೆಬಿಯನ್ ದ್ವೀಪದಲ್ಲಿ ಅನಾನಸ್ ನ ಅನೇಕ ವಿದದ ಪಾನೀಯ ಆಹಾರಗಳಲ್ಲಿ ಅನಾನಸ್ ಅಗ್ರ ಸ್ಥಾನ ಪಡೆದಿದೆ ಮತ್ತು ಅನಾನಸ್ ರುಚಿ ವಿಶ್ವ ವಿಖ್ಯಾತ ಮಾಡಿದ ದೇಶವಿದು.

  ಒಂದು ಎಕರೆ ಪ್ರದೇಶದಲ್ಲಿ ಅನಾನಸ್ ಕನಿಷ್ಟ 10 ಟನ್ ಹಣ್ಣು ನೀಡುತ್ತದೆ, ಒ0ದರಿಂದ ಒಂದೂವರೆ ಲಕ್ಷ ವೆಚ್ಚದಲ್ಲಿ ಕನಿಷ್ಟ 2.5 ಲಕ್ಷದಿಂದ 4 ಲಕ್ಷದವರೆಗೆ (ಖರೀದಿ ಬೆಲೆ ಆದಾರದಲ್ಲಿ) ಆದಾಯ ಇರುವುದರಿಂದ ರಾಜ್ಯದಲ್ಲಿ ಮೊದಲ ಭಾರಿಗೆ ಸಿರ್ಸಿ ಭಾಗದ ಬನವಾಸಿ ಪ್ರದೇಶದಲ್ಲಿ ಬನವಾಸಿ ರೋಪ್ ಸಾಹೇಬರು ದೊಡ್ಡ ಮಟ್ಟದಲ್ಲಿ ಇದನ್ನು ಬೆಳೆದು ಉತ್ತರ ಭಾರತದಲ್ಲಿ ಮಾರಾಟ ಮಾಡಲು ಪ್ರಾರಂಬಿಸಿದ್ದರು ಇವರಿಂದ ಪ್ರೇರಣೆ ಪಡೆದ ಅನೇಕ ರೈತರು ಈ ಬೆಳೆ ಬೆಳೆಯಲು ಪ್ರಾರಂಬಿಸಿದಾಗ ಆಗಿನ ಮುಖ್ಯಮಂತ್ರಿ ರಾಮಕೃಷ್ಣ ಹೆಗ್ಗಡೆಯವರು ಬನವಾಸಿಯಲ್ಲಿ ತೋಟಗಾರಿಕಾ ಇಲಾಖೆಯಿಂದ ಅನಾನಸ್ ಹಣ್ಣು ಸಂಸ್ಕರಣ ನಿರ್ಮಾಣ ಮಾಡಿದ್ದರು ಆದರೆ ಸರ್ಕಾರದ ಎಲ್ಲಾ ಯೋಜನೆ ಹಳ್ಳ ಹಿಡಿದಂತೆ ಈ ಘಟಕ ಕೂಡ ಮೂಲೆಗೆ ಬಿತ್ತು ನಂತರ ಈ ಘಟಕ ಹರಾಜಿನಲ್ಲಿ ರೋಪ್ ಸಾಹೇಬರೆ ಪಡೆದರು ಮತ್ತು ರಾಜ್ಯದ ದಾರವಾಡ ಕೃಷಿ ವಿಶ್ವವಿದ್ಯಾಲಯ ರೋಪ್ ಸಾಹೇಬರಿಗೆ ಡಾಕ್ಟರೇಟ್ ನೀಡಿ ಗೌರವಿಸಿತ್ತು.

ಅವರದ್ದೇ ಇನ್ನೊಂದು ಅನಾನಸ್ ಹಣ್ಣು ಸಂಸ್ಕರಣಾ ಘಟಕವೂ ಬನವಾಸಿಯಲ್ಲಿದ್ದು ಸಂಸ್ಕರಿಸಿದ ಅನಾನಸ್ ಕಾಯಿ ಕ್ಯಾನಿಂಗ್ ಮಾಡಿ ರಪ್ತು ಮಾಡುತ್ತಾರೆ ಮತ್ತು ಹಣ್ಣುಗಳನ್ನು ದೆಹಲಿ ಪಂಜಾಬಿಗೆ ಕಳಿಸುತ್ತಾರೆ.

  ಪಂಜಾಬ್, ಹರಿಯಾಣ ಮತ್ತು ದೆಹಲಿಯಲ್ಲಿ ದೊಡ್ಡ ದೊಡ್ಡ ವಿವಾಹಗಳಲ್ಲಿ ಈ ಹಣ್ಣಿನ ರಸ ಮತ್ತು ಹಣ್ಣಿನ ಸ್ಪೈಸ್ ಮೇಲೆ ಚೀಸ್ ಹಾಕಿ ನೀಡಲು (welcome drink) ಬಾರೀ ಬೇಡಿಕೆ ಇದೆ.

   ನಮ್ಮ ಜಿಲ್ಲೆಯಲ್ಲಿ 70 ರ ದಶಕದಲ್ಲಿ ಸಾಗರ ತಾಲ್ಲೂಕಿನ ಹೆಗೋಡು ಸಮೀಪದ ಮತ್ತಿಕೊಪ್ಪದ ಹರನಾಥ ರಾಯರ ದಾಯಾದಿಗಳಾದ ಮತ್ತಿಕೊಪ್ಪದ ಜಯಪ್ರಕಾಶ ಹೆಗ್ಗಡೆ ಜಾನ್ - ಪಾಸ್ ಹೆಸರಿನಲ್ಲಿ ಅನಾನಸ್ ತಾಜಾ ಹಣ್ಣಿನ ರಸ ಮಾರುಕಟ್ಟೆಗೆ ಬಿಟ್ಟಿದ್ದರು, ಅನಾನಸ್ ಬೆಳೆಯಲು ಆ ಕಾಲದಲ್ಲಿ ಸುಮಾರು ನೂರು ಎಕರೆ ಜಮೀನು ಸರ್ಕಾರ ಇವರಿಗೆ ಮಂಜೂರು ಮಾಡಿದ್ದು ಆ ಕಾಲದಲ್ಲಿ ಅನಾನಸ್ ಬೆಳೆಗೆ ಪ್ರೋತ್ಸಾಹಿಸಲು ಆ ಕಾಲದ ಸರ್ಕಾರ ತಾಳಿದ್ದ ಒಂದು ಉದಾಹರಣೆ.

  1970 ರಲ್ಲಿ ಜೋಗ್ ಜಲಪಾತದ ಪಕ್ಕದ ಊರಾದ ಮಾವಿನಗುಂಡಿಯಲ್ಲಿ (ಸಿದ್ದಾಪುರ ತಾಲ್ಲೂಕ್ ) ಲೇಖಕರಾದ ಮಾವಿನಗುಂಡಿ ಅಶೋಕ ಹೆಗ್ಗಡೆಯವರ

ಮನೆತನದ ಐನಕೈ ಹೆಸರಲ್ಲಿ ಪ್ರಾರಂಬಿಸಿದ್ದ ಅನಾನಸ್ ಸಿರಪ್ ಮತ್ತು ಜಾಮ್ ಒಂದು ಕಾಲದಲ್ಲಿ ಸುಪ್ರಸಿದ್ಧ ಆಗಿತ್ತು,ಇದೇ ಹೆಸರಲ್ಲಿ ಜ್ಯೂಸ್ ಸೆಂಟರ್ ಮತ್ತು ರಿಟೈಲ್ ಸ್ಟಾಲ್ ಒಂದು ಮಾವಿನಗುಂಡಿ ಊರಲ್ಲಿ ಬಹಳ ವರ್ಷ ಇತ್ತು.

  100 ಗ್ರಾಂ ಅನಾನಸ್ ನಲ್ಲಿ 60 ಕ್ಯಾಲೋರಿಗಳಿದ್ದು, ಜೀರೋ ಕೊಲೆಸ್ಟ್ರಾಲ್ ಇರುವ, ವಿಟಮಿನ್ ಅತ್ಯಂತ ಹೆಚ್ಚು (15%) ಇರುವುದರಿಂದ ಇದು ಉತ್ಕೃಷ್ಟ ಹಣ್ಣು.

  ನಮ್ಮ ದೇಶದ ಅಗರ್ತಾಲ ರಾಜ್ಯ ಅನಾನಸ್ ಹಣ್ಣು ತನ್ನ ರಾಜ್ಯದ ಹಣ್ಣಾಗಿ ಘೋಷಿಸಿದೆ.

    ಈಗ ಕೇಂದ್ರ ಸರ್ಕಾರ ಅನಾನಸ್ ಶಿವಮೊಗ್ಗ ಜಿಲ್ಲಾ ಬೆಳೆ ಎಂದು ಘೋಷಿಸಿದ್ದರಿಂದ ಶಿವಮೊಗ್ಗ ಜಿಲ್ಲೆಯಲ್ಲಿ ಅನಾನಸ್ ಹಣ್ಣಿನ ತಾಜಾ ರಸ, ಜಾಂ ಗಳ ಜೊತೆ ಅನಾನಸ್ ಡ್ರೈ ಪ್ರೂಟ್ ಮುಂತಾದ್ದೆಲ್ಲ ತಯಾರಿಸಿ ಸ್ಥಳಿಯವಾಗಿ ಮಾರುಕಟ್ಟೆಯಲ್ಲಿ ಮಾರಾಟ ಪ್ರಾರಂಬಿಸಿ ಮುಂದಿನ ದಿನದಲ್ಲಿ ಹೊರ ಜಿಲ್ಲೆ, ಹೊರ ರಾಜ್ಯ ಮತ್ತು ಹೊರ ದೇಶಕ್ಕೂ ರಪ್ತು ಮಾಡುವ ಮೂಲಕ ಈ ಯೋಜನೆ ಸದ್ಬಳಕೆ ಮಾಡಿಕೊಳ್ಳಬಹುದು ಮತ್ತು ಸ್ವಯ೦ ಉದ್ಯೋಗ ಕಂಡುಕೊಂಡು ಅನೇಕರಿಗೆ ಉದ್ಯೋಗ ಕೂಡ ನೀಡಬಹುದಾಗಿದೆ.

   ಈ ಬಗ್ಗೆ ಹೆಚ್ಚಿನ ಮಾಹಿತಿ - ತರಬೇತಿ -ಸಾಲ ಸೌಲಭ್ಯಕ್ಕಾಗಿ ಜಿಲ್ಲೆಯ ಕೃಷಿ ಇಲಾಖೆಯಲ್ಲಿ ಮತ್ತು  ಕೃಷಿ ತಜ್ಞ ಸಾಗರದ ನಾಗೇಂದ್ರ ಸಾಗರ್ ದಂಪತಿಗಳಿಂದ ಪಡೆಯಬಹುದು.

  ನಾಗೇಂದ್ರ ಸಾಗರ್ ಸಂಪರ್ಕ ಸಂಖ್ಯೆ 9449501613/8147299353.