ಸಿಸ್ಟರ್ ಪ್ರೇಮಾ ನಮ್ಮನ್ನೆಲ್ಲಾ ಬಾಲ್ಯದಲ್ಲಿ ಎತ್ತಾಡಿಸಿದ ಮತ್ತು ನನ್ನ ಅಜ್ಜಿ,ಅಪ್ಪ ಮತ್ತು ಅಮ್ಮರ ಒಡಾನಾಟದ ನೆನಪು ಮಾಡಿ ನಮ್ಮನ್ನೆಲ್ಲ ನೆನಪಿನ ಲೋಕಕ್ಕೆ ಒಯ್ದಿದ್ದವರು.

#ನಮ್ಮನ್ನೆಲ್ಲ_ಬಾಲ್ಯದಲ್ಲಿ_ಎತ್ತಾಡಿಸಿದ_ನನ್ನ_ತಂದೆ_ತಾಯಿಯ_ಒಡನಾಟದಲ್ಲಿದ್ದ

 #ಸಿಸ್ಟರ್_ಪ್ರೇಮಾ.

  1960 ರ ದಶಕದಲ್ಲಿ ಅಂದರೆ 60 ವರ್ಷದ ಹಿಂದೆ ನಮ್ಮ ಊರಲ್ಲಿ ಏನಿತ್ತು? ರಂಗನಾಥ ದೇವಸ್ಥಾನ ಮತ್ತು ಮಸೀದಿ ಕೆರೆ ಆಚೆಯ ಆನಂದಪುರಂ ನಲ್ಲಿ ಇದ್ದರೆ ಚಚ್೯ ಇದ್ದಿದ್ದು ನಮ್ಮ ಮನೆ ಸಮೀಪದ ಯಡೇಹಳ್ಳಿಯಲ್ಲಿ.

    ಶಿವಮೊಗ್ಗ ಸಾಗರ ರಸ್ತೆ, ತೀಥ೯ಹಳ್ಳಿ ರಸ್ತೆ ಮತ್ತು ಹೊಸ ನಗರ ರಸ್ತೆಗಳು ಡಾಂಬರೀಕರಣ ಆಗಿರಲಿಲ್ಲ, ಊರಲ್ಲಿ ಹುಲ್ಲಿನ ಮನೆಗಳೆ ಎಲ್ಲಾ .

     ಕ್ರೈಸ್ತ ದಮ೯ದ ಸುಶೀಲ್ ಬಾಯಮ್ಮ, ಆನಮೇರಿ ಬಾಯಮ್ಮ, ಗಾಡ೯ರಮ್ಮ, ಸಂತಾನ ಬಾಯಮ್ಮ ಹೀಗೆ ಇನ್ನೂ ಐದಾರು ಬಾಯಮ್ಮನವರಿದ್ದರು (ನನ್ನ ತಾಯಿಯ ಗೆಳತನದ ಪರೀದಿಯಲ್ಲಿದ್ದ ಇವರ ಹೆಸರು ಮಾತ್ರ ನೆನಪಿದೆ ಇವರ ಪತಿಯರ ಹೆಸರು ನೆನಪಿಲ್ಲ).

  ಸುಶೀಲ್ ಬಾಯಮ್ಮರ ಪುತ್ರಿ ಅವರ ದಮ೯ ಅನುಯಾಯಿ ಆಗಿ ಸಿಸ್ಟರ್ ಆದರು ಅವರಿಗೆ ಹೊಸ ಹೆಸರು ಸಿಸ್ಟರ್ ಪ್ರೇಮಾ ಅಂತಾಯಿತು ನಮ್ಮನ್ನೆಲ್ಲ ಎತ್ತಾಡಿಸಿದ ಹಿರಿಯ ಸಹೋದರಿ ಅಂತಹ ಸಿಸ್ಟರ್ ಪ್ರೇಮಾ ಊರು ತೊರೆದೇ 50 ವರ್ಷ ಆಯಿತು, ಅವರ ಸಂಸ್ಥೆಯ ಅನೇಕ ಕಡೆ  ಕಾಯ೯ನಿವ೯ಹಿಸಿದ್ದಾರೆ ಅಲ್ಲೆಲ್ಲಾ ಅಪಾರ ಶಿಷ್ಯ ವರ್ಗ ಹೊಂದಿದ್ದಾರೆ.

    ನಮ್ಮ ಊರಲ್ಲಿ ಅವರ ಸಹೋದರಿಯ ಮನೆ ಇದೆ, ಎರೆಡು ವರ್ಷದ ಹಿಂದೆ ಅವರು ಇಹಲೋಕ ತ್ಯಜಿಸಿದರು, ಅವರ ವರ್ಷದ ತಿಥಿಗೆ ಸಹೋದರಿಯ ಮಗ ರೇಮಂಡ್ ಡಿಸೋಜ ಒತ್ತಾಯದಿಂದ ಕರೆಸಿದ್ದ, ಅವರು ಊರಿಗೆ ಬಂದಾಗೆಲ್ಲ ನಮ್ಮ ಮನೆಗೆ ಬೇಟಿ ನೀಡದೇ ಹೋಗುವುದಿಲ್ಲ ಈ ಬಾರಿ ಬಂದಾಗಲೂ ಬಂದವರು ನಮ್ಮ ಅಜ್ಜಿ, ತಂದೆ, ತಾಯಿ ನಮ್ಮೆಲ್ಲರ ಬಾಲ್ಯ ನೆನಪು ಮಾಡಿದರು.

  ವೃದ್ದಾಪ್ಯ ತಲುಪಿರುವ ಸಿಸ್ಟರ್ ಪ್ರೇಮಾರಿಗೆ ಈಗ 80 ರ ವಯಸ್ಸು ಅವರ ಹೆಸರು ಪ್ರೇಮಾ ಹೆಸರಿನಂತೆ ಅವರ ಮನಸ್ಸು ಕೂಡ. 

  ಅವರು ಇಷ್ಟ ಪಡುವ ಪ್ರಾಗ್ರೆನ್ಸ್ ನ ರೂಂ ಪ್ರೆಶನರ್ ಅವರು ಬಂದಾಗೆಲ್ಲ ನೆನಪಿನ ಕಾಣಿಕೆ ಆಗಿ ನೀಡುವಂತೆ ಈ ಬಾರಿಯೂ ನೀಡಿದೆ.

   ಅಜ್ಜಿ ಅಪ್ಪ ಅಮ್ಮ ಈಗ ಇಲ್ಲ ಆದರೆ ಅವರ ನಮ್ಮ ಮದ್ಯ ಕೊಂಡಿ ಆಗಿ ಇರುವ ಕೆಲವೇ ಜನರು ಬೇಟಿ ಆದಾಗ ತೆರೆಯುವ ನೆನಪಿನ ಪುಸ್ತಕದ೦ತೆ ಆ ಕಾಲದ ನೆನಪುಗಳು ಕೇಳುವುದೇ ಒ0ದು ರೀತಿ ರೋಮಾಂಚನ ಅಲ್ಲವೆ?