ಭಾಗ - 51, ಆನಂದಪುರಂ ಇತಿಹಾಸ, ನಾನೂರು ವರ್ಷದ ಹಿಂದೆ ಕೆಳದಿ ರಾಜರ ಸು೦ಕ ಸಂಗ್ರಹಕರಾಗಿದ್ದ ಸುಂಕದವರ ಮನೆತನದವರು ಆನಂದಪುರಂನಲ್ಲಿದ್ದಾರೆ.

#ಭಾಗ_51.

#ಆನಂದಪುರಂ_ಇತಿಹಾಸ.

#ಆನಂದಪುರಂನಲ್ಲಿ_ನೆಲೆಸಿರುವ_ಷಣ್ಮುಖಶೆಟ್ಟರು_ಹಿರಿಯ_ಆರೋಗ್ಯ_ಸಹಾಯಕರಾಗಿದ್ದ_ನಾಗರಾಜ್_ಕುಟುಂಬದ_ಹಿನ್ನೆಲೆ.

#ಕೆಳದಿ_ಅರಸರ_ಕಾಲದಲ್ಲಿ_ಸು೦ಕ_ಸಂಗ್ರಹಕಾರರ_ವಂಶದವರು.

#ಸ್ವಾತಂತ್ರ್ಯ_ಪೂರ್ವದಲ್ಲಿ_ಆನಂದಪುರಂನ_ಮೊದಲ_ವಕೀಲರು.

#ಆನಂದಪುರಂನ_ಮೊದಲ_ಆಭರಣದ_ಅಂಗಡಿಯವರು.

#ಆನಂದಪುರಂನಲ್ಲಿ_ಬಂಗಾರಪೇಟೆ_ಎಂಬ_ಬೀದಿ_ಇತ್ತು_ಬಂಗಾರ_ಬೆಳ್ಳಿ_ವಜ್ರ_ವೈಡೂರ್ಯ_ಮಾರಾಟ.

#ಚಂಪಕ_ಸರಸ್ಸು_ಸಮೀಪ_ಬೃಹತ್_ಸಂತೆ_ಆಗುತ್ತಿತ್ತು

 

ಕೆಳದಿ ರಾಜ ವೆಂಕಟಪ್ಪ ನಾಯಕರ ಕಾಲದಲ್ಲಿ ಅಂದರೆ ಸುಮಾರು ನಾನೂರು ವರ್ಷದ ಹಿಂದೆ ರಾಣಿ ಚಂಪಕಳ ಸ್ಮರಣಾರ್ಥ ನಿಮಿ೯ಸಿರುವ #ಚಂಪಕ_ಸರಸ್ಸು ಇದನ್ನು ನಿರ್ವಹಣೆ ಮಾಡಲು ಸಮೀಪದ ಮಹತ್ತಿನ ಮಠಕ್ಕೆ ವಹಿಸಿ ಮಠಕ್ಕೆ ಜಮೀನು ಉಂಬಳಿ ನೀಡಿದ್ದರಲ್ಲದೆ ಸದರಿ ಮಠಕ್ಕೆ ಅಡಿಕೆ, ಅಕ್ಕಿ ಮತ್ತು ಮೆಣಸು ಸಾಗಾಣಿಕೆಗೆ ಸುಂಕದ ರಿಯಾಯಿತಿಯೂ ನೀಡಿದ್ದರು.

  ಈಗಲೂ ಚಂಪಕ ಸರಸ್ಸು ಇದೆ ಬನ್ನಿ ಮಂಟಪ ಸಮೀಪದಲ್ಲಿದ್ದ ಮಹತ್ತಿನ ಮಠ ಇಲ್ಲ ಅದರ ಪಳಯುಳಿಕೆಗಳಿದೆ ಸ್ಥಳಿಯರು ರಾಣಿ ಚಂಪಕಳಾ ಸ್ಮರಣಾರ್ಥ ರಾಜ ವೆಂಕಟಪ್ಪ ನಾಯಕರು ನಿರ್ಮಿಸಿರುವ ಚಂಪಕ ಸರಸ್ಸು (ಕೊಳ) ವನ್ನೆ ಮಹಂತಿನ ಮಠ ಎಂತಲೂ ಕರೆಯುತ್ತಾರೆ.

  ಇದರ ಸಮೀಪದಲ್ಲೇ ಬೃಹತ್ ಸಂತೆ ನಡೆಯುತ್ತಿತ್ತು, ಆನೆ ಕುದುರೆ ಮೇಲೆ ವರ್ತಕರು ಬರುತ್ತಿದ್ದರಂತೆ,ಅಲ್ಲಿ ವಿದೇಶಿಯರು ಅವರ ದೇಶಕ್ಕೆ ವ್ಯಾಪಾರಕ್ಕಾಗಿ ಅಕ್ಕಿ ಖರೀದಿಸುತ್ತಿದ್ದರಂತೆ.

  ಇಲ್ಲಿಯೇ ಸುಂಕದ ಕಟ್ಟೆಯೂ ಇತ್ತು ಇಲ್ಲಿಯೇ ವ್ಯಾಪಾರಸ್ಥರಿಂದ ಸುಂಕ ವಸೂಲಿ ಮಾಡಿ ರಾಜರ ಆಸ್ಥಾನಕ್ಕೆ ತಲುಪಿಸುವ ಸುಂಕದವರು ರಾಜರಿಂದ ನೇಮಕ ಆಗಿರುತ್ತಿದ್ದರು.

  ಈ ಸುಂಕದ ಮನೆತನದವರು ಈಗಲೂ ಆನಂದಪುರಂನಲ್ಲಿದ್ದಾರೆ ಲಕ್ಷ್ಮಿಕಾಂತಪ್ಪನವರು, ಷಣ್ಮುಖ ಶೆಟ್ಟರು, ನಾಗರಾಜ್ ಮತ್ತು ಕೃಷ್ಣಮೂರ್ತಿ ಸಹೋದರರು.

  ಇವರ ಮನೆತನದ ಮೂಲ ಹೆಸರು ಕೆಸರೆ ಮನೆತನವಾದರೂ ಇವರ ಮನೆತನದ ವೃತ್ತಿಯಿಂದ ಸುಂಕದ ಮನೆತನದವರೆಂದೇ ಮುಂದುವರಿಯಿತು.

  ಇವರ ಅಜ್ಜ ಚಿರುಡ ಶೆಟ್ಟರು ಸ್ವಾತಂತ್ರ್ಯ ಪೂರ್ವದಲ್ಲಿ 1916 ರಿಂದ 1932ರವರೆಗೆ ವಕೀಲರಾಗಿದ್ದರು ಆಗ ಸಾಗರ ತಾಲ್ಲೂಕಿನ ನ್ಯಾಯಾಲಯ ಆನಂದಪುರಂನಲ್ಲಿತ್ತು (ಈಗಿನ ಯಡೇಹಳ್ಳಿ ಪ್ರವಾಸಿ ಮಂದಿರ)

ಚಿರುಡ ಶೆಟ್ಟರು ಕುದುರೇ ಮೇಲೆ ಸಂಚರಿಸುತ್ತಿದ್ದರು.

  ಕೆಳದಿ ರಾಜರ ಕಾಲದಲ್ಲಿ ಈಗಿನ ಆಸ್ಪತ್ರೆ ಹಿಂಬಾಗದಿಂದ ಅಡೂರು ರಸ್ತೆಗೆ ಸೇರುವ ಮಾರ್ಗ ಆನಂದಪುರಂನ ಪ್ರಮುಖ ವಾಣಿಜ್ಯ ಬೀದಿ ಆಗಿತ್ತು ಇಲ್ಲಿ ಅನೇಕ ಬೆಳ್ಳಿ, ಬಂಗಾರ, ವಜ್ರ ಮತ್ತು ವೈಡೂಯ೯ ಮಾರಾಟದ ಅಂಗಡಿಗಳಿದ್ದರಿಂದ ಈ ಬೀದಿಗೆ ಬಂಗಾರ ಪೇಟೆ ಮಾರ್ಗ ಎಂಬ ಹೆಸರಿತ್ತು ಈ ಬೀದಿಯಲ್ಲೇ ವಕೀಲ್ ಚಿರುಡ ಶೆಟ್ಟರ ಆಸ್ತಿ ಮನೆ ಇತ್ತು.

   80ಕ್ಕೂ ಹೆಚ್ಚು ಜನರಿದ್ದ ಈ ಕುಟುಂಬದಲ್ಲಿ ಆಗ ಬಂದ ಪ್ಲೇಗ್ ಕಾಯಿಲೆ ಅನೇಕರನ್ನು ಬಲಿ ಪಡಿಯಿತಂತೆ ಆಗ ಒಂದೊಂದು ಗುದ್ದಿನಲ್ಲಿ ನಾಕಾರು ಜನರನ್ನು ಶವ ಸಂಸ್ಕಾರ ಮಾಡಿದ್ದರಂತೆ.

  ಈಗ ಈ ಜಾಗದಲ್ಲಿ ಇವರ ಮನೆತನದವರೇ ಆದ ಧರ್ಮಯ್ಯ ಶೆಟ್ಟರು ಅವರ ಮಗ ಪಾರೆಸ್ಟರ್‌ ರುಕ್ಮಯ್ಯ ಶೆಟ್ಟರು

ಈಗ ಅವರ ಮಕ್ಕಳಾದ ಪತ್ರಕರ್ತರಾದ ಮಾಜಿ ಗ್ರಾ.ಪಂ.ಸದಸ್ಯ ಜಗನ್ನಾಥರ ಸಹೋದರರು ಇದ್ದಾರೆ.

  ವಕೀಲ್ ಚಿರುಡ ಶೆಟ್ಟರು ಮತ್ತು ಭಾಗಿರಥಮ್ಮ ದಂಪತಿಗಳ ಪುತ್ರ ಬಂಗಾರದ ಆಭರಣ ತಯಾರಿಕೆ ವೃತ್ತಿಯವರಾಗಿ ಆನಂದಪುರಂನಲ್ಲಿ ಪ್ರಥಮ ಆಭರಣದ ಅಂಗಡಿ ಮಾಡಿದ್ದ ನಾರಾಯಣ ಶೆಟ್ಟರು ಮತ್ತು ಇವರ ಪತ್ನಿ ಪಾವ೯ತಮ್ಮನವರಿಗೆ

ನಾಲ್ಕು ಪುತ್ರರು ಮತ್ತು ಮೂವರು ಪುತ್ರಿಯರು.

 ಮೊದಲನೆಯವರು ಪುತ್ರಿ ರಾದಮ್ಮ, ಎರಡನೇ ಲಕ್ಷ್ಮಿಕಾಂತಪ್ಪ ಶಿರಸ್ತೇದಾರರಾಗಿ ನಿವೃತ್ತರಾದರು, ಮೂರನೆಯವರು ನಾಗರಾಜ್ ನಿವೃತ್ತ ಹಿರಿಯ ಆರೋಗ್ಯ ಸಹಾಯಕರು, ನಾಲ್ಕನೆಯವರು ಷಣ್ಮುಖ ಶೆಟ್ಟರು ಆನಂದಪುರಂನ ವರ್ತಕರು, ಐದನೆಯವರು ಲಕ್ಷ್ಮಿ ಆರನೆಯವರು ಕನಕ (ಶಿವಮೊಗ್ಗದ ಖ್ಯಾತ ವಕೀಲರಾದ ಜನಕ ಶೆಟ್ಟರ ಪತ್ನಿ) ಕೊನೆಯವರು ಕೃಷ್ಣಮೂರ್ತಿ ಶಿವಮೊಗ್ಗದಲ್ಲಿ ಡಿವಿಎಸ್ ಕಾಲೇಜಿನಲ್ಲಿ ಉಪನ್ಯಾಸಕರಾಗಿದ್ದಾರೆ.

  ಶಿರಸ್ತೆದಾರರಾಗಿದ್ದ ಲಕ್ಷ್ಮೀಕಾಂತಪ್ಪ ಮತ್ತು ನೇತ್ರಾವತಿ ದಂಪತಿಗಳಿಗೆ

ಒಬ್ಬ ಪುತ್ರಿ ವಾಣಿಶ್ರೀ ಮತ್ತು ವಿನಯ ಪ್ರಸಾದ್, ವಿಜಯ ಪ್ರಸನ್ನ (ವಿಪ್ರೋದಲ್ಲಿ ಇಂಜಿನಿಯರ್), ಗುರುರಾಜ ಮತ್ತು ಪ್ರಶಾ೦ತ ಎ೦ಬ ನಾಲ್ವರು ಪುತ್ರರು ಶಿವಮೊಗ್ಗದಲ್ಲಿ ದುರ್ಗಿಗುಡಿಯ ಶನೀಶ್ವರ ದೇವಸ್ಥಾನದ ಹತ್ತಿರ ಸ್ವರ್ಣಾ ಜ್ಯುವೆಲ್ಲರಿ ಎಂಬ ಅಭರಣದ ಅಂಗಡಿ ಇದೆ.

  ಹಿರಿಯ ಆರೋಗ್ಯ ಸಹಾಯಕರಾಗಿದ್ದ ಹಾಡುಗಾರರು, ಕಬ್ಬಡಿ ಆಟಗಾರರೂ ಆಗಿದ್ದ ನಾಗರಾಜ್ ಮತ್ತು ಯಶೋದ ದಂಪತಿಗಳಿಗೆ

  ಇಬ್ಬರು ಪುತ್ರರು ಸಿಂದೂರ ಮತ್ತು ಸಂದೀಪ್ ಇಬ್ಬರೂ ಅಡಿಕೆ ಕೃಷಿ ಮಾಡುತ್ತಿದ್ದಾರೆ.

  ಹಿರಿಯ ವರ್ತಕರಾಗಿರುವ ಷಣ್ಮುಖ ಶೆಟ್ಟರು ಮತ್ತು ಪುಷ್ಪಾ ದಂಪತಿಗಳಿಗೆ

ಮೂವರು ಪುತ್ರರು ಮೊದಲನೆಯ ಸತೀಶ್ ಇಂಜಿನಿಯರ್ ಆಗಿ ಬೆಂಗಳೂರಲ್ಲಿ ನೆಲೆಸಿದ್ದಾರೆ, ದ್ವಿತಿಯ ಪುತ್ರ ಸಂತೋಷ್ ಸಾಗರದ ಗಣಪತಿ ಅರ್ಬನ್ ಬ್ಯಾಂಕ್ ಉದ್ಯೋಗಿ ಆಗಿದ್ದಾರೆ ಕೊನೆಯ ಪುತ್ರ ನೀಲೇಶ್ ತಂದೆಯ ವ್ಯವಹಾರ ಮುಂದುವರಿಸಿದ್ದಾರೆ.

  ಶಿವಮೊಗ್ಗದ ಪ್ರತಿಷ್ಟಿತ ಡಿವಿಎಸ್ ಕಾಲೇಜಿನಲ್ಲಿ ಕನ್ನಡ ಉಪನ್ಯಾಸಕರಾಗಿರುವ ಕೃಷ್ಣಮೂರ್ತಿ ಮತ್ತು ಗೀತಾ ದಂಪತಿಗಳಿಗೆ

ಇಬ್ಬರು ಪುತ್ರಿಯರು ಮೊದಲ ಪುತ್ರಿ ಸೌಜನ್ಯ KPC ಯ ಇಂಜಿನಿಯರ್ ಪೃಥ್ವಿರಾಜ್ ಜೊತೆ ವಿವಾಹ ಆಗಿ ರಾಯಚೂರಲ್ಲಿ ನೆಲೆಸಿದ್ದಾರೆ ಕೊನೆಯ ಪುತ್ರಿ ಅನನ್ಯ ಇಂಜಿನಿಯರ್ ವೃತ್ತಿ ಮಾಡುತ್ತಿದ್ದಾರೆ.

  ರಾಜರ ಕಾಲದಲ್ಲಿ ಸುಂಕ ವಸೂಲಿ ವೃತ್ತಿಯಿಂದ ಸುಂಕದ ಮನೆ ಎಂಬ ಅನ್ವರ್ಥಕ ಕುಟುಂಬ ನಾಮದ ನಾನೂರು ವರ್ಷದ ಇತಿಹಾಸದ ಈ ಮನೆತನ ಆನಂದಪುರಂನ ಮೂಲ ನಿವಾಸಿಗಳೂ ಕೂಡ ಆಗಿದ್ದಾರೆ.